ნოდარ მელაძის, გიორგი გაბუნიასა და გიორგი ლაფერაშვილის წინააღმდეგ სასამართლოში დავა მოგვიწევს - პაატა სალია

საქართველო, თბილისი - 16:45 | 20.08.2019
ნანახია: 431

პაატა სალიამ დღეს გამართულ ბრიფინგზე განაცხადა, რომ ნოდარ მელაძის, გიორგი ლაფერაშვილის და გიორგი გაბუნიას წინააღმდეგ, კომპანიას გვარამიას საქმის მსგავსად სასამართლოში დავა მოუწევს.

„მელაძის და სხვების, მათ შორის, ლაფერაშვილის, ანჯაფარიძის, გაბუნიას გათავისუფლება გამოწვეულია იმ ფინანსური საკითხებიდან გამომდინარე, იმ ზარალიდან გამომდინარე, რომელიც კომპანიას მიადგა და ჩვენ ვფიქრობთ, ისევე როგორც გვარამიას წინააღმდეგ ამ პირების წინააღმდეგაც მოგვიწევს სასამართლოში დავა და შესაბამისად, ვერ წარმოგვიდგენია, რომ ვედავოთ ისეთ ადამიანებს, რომლებიც ჩვენთან არიან წამყვან თანამდებობებზე, აშკარად შეუთავსებლობა და ინტერესთა კონფლიქტი იქნება“, - განაცხადა სალიამ.

სალიას თქმით, არსებობს გარკვეული დასაბუთებები და ამის ერთ-ერთ მაგალითად, ბინების საქმე მოჰყავს.

„გარკვეული ნაწილი დასაბუთების არსებობს, არსებობს იმასთან დაკავშირებით, რაზეც უკვე ვისაუბრე, რაც 2015 წელს მოხდა, შემდეგ იყო შეძენილი ბინები 2016-ში, რაღაც თანხების განაწილება მოხდა 2017-ში, ამაზე აუცილებლად ვისაუბრებ სამოქალაქო სარჩელში,“ - აღნიშნა სალიამ.

შეგახსენებთ, დღეს სალიამ ბრიფინგზე განაცხადა, რომ „რუსთავი 2“დან გათავისუფლდნენ ნოდარ მელაძე, გიორგი გაბუნია, გიორგი ლაფერაშვილი და კიდევ რამდენიმე თანამშრომელი.

 




არქივი

მოგვძებნე Facebook-ზე