მღვდელმა ბნელი სულები განდევნა აშშ-ის წარმომადგენელთა პალატიდან | ვიდეო

საქართველო, თბილისი - 14:13 | 19.07.2019
ნანახია: 125

აშშ-ის კონგრესის წარმომადგენელთა პალატაში იეზუიტმა მღვდელმა „ბნელი სულების განდევნის“ ლოცვა წაიკითხა, მას შემდეგ რაც პალატაში ოთხშაბათს მიიღეს რზეოლუცია დონალდ ტრამპის რასისტული გამონათქვამების დაგმობის შესახებ. იუწყება  Washington Post-ი.

 „წმინდა სახელით, ახლა ვდევნი ყველა ბნელ სულს ამ პალატიდან“, - აღნიშნა მღვდელმა. მან ასევე აღავლინა ლოცვა იმედგაცურების, განხეთქილებისა და სედვის სულების განსადევნად.

მოგვიანებით, კორნოიმ განაცხადა, რომ ამ ლოცვის იდეა მას შემდეგ გაუჩნდა, რაც იხილა თუ როგორ დაობდნენ კანონმდებლები და დონალდ ტრამპს რასიზმისთვის გმობდნენ. მისი თქმით, ეს იყო მძიმე და დაძაბული კვირა, როდესაც ბნელი სულები ზემოქმედებდნენ ადამიანებზე წარმომადგენელთა პალატაში.

აშშ-ის წარმომადგენელთა პალატამ მიიღო რეზოლუცია, რომელიც კონგერსმენების მიმართ დონალდ ტრამპის რასისტულ გამონათქვამები დაგმო.

რეზოლუციას მხარი 240-მა დეპუტატმა დაუჭირა, 187-მა კი ხმა წინააღმდეგ მისცა.

 „წარმომადგენელთა პალატა სასტიკად გმობს პრეზიდენტ დონალდ ტრამპის გამონათქვამებს, რომელმაც დააკანონა და გაამყარა სიძულვილი და შიში ახალი ამერიკელებისა და ფერადკანიანების მიმართ“, - ნათქვამი იყო რეზოლუციაში.

შეგახსნებთ, ამერიკის ლიდერმა Twitter-ში დაწერა, რომ „პროგრესული“ ქალი დემოკრატები, რომლებიც ჩამოვიდნენ იმ ქვეყნებიდან, რომელთა ხელისფლებებიც წარმოადგენენ სრულ კატასტროფას, ყველაზე საშინელ კორუმპირებულ და უუნაროს მთელს მსოფლიოში, დღეს ხმამაღლა ასწავლიან ამერიკელებს - დედამიწაზე ყველაზე დიად და ძლიერ ერს, როგორ უნდა მართონ ქვეყანა“. რის  შემდეგაც დემოკრატიული პარტიის წევრებმა ტრამპს კრიტიკის ქარცეცხლი დაატეხეს.

ტრამპს თავის მიმართვაში არ დაუზუსტებია ვისი მისამართით იყო მისი გამონათქვამები, თუმცა ამ გამონათქვამებზე მძაფრი რეაგირება მოახდინეს კონგრესმენებმა ალექსანდრია ოკაზიო-კორტესმა, რაშიდა თლაიბმა და ილჰან ომარმა. მათ განაცხადეს, რომ ქვეყანა, სადაც ისინი ჩავიდნენ და რომელსაც ერთგულება შეჰფიცეს, ამერიკის შეერთებული შტატებია.

 

 




არქივი

მოგვძებნე Facebook-ზე