კვირას რომ არჩევნები იყოს 26% „ქართულ ოცნებას“ მისცემდა ხმას, 22% - „ნაციონალურ მოძრაობას“ - IRI

საქართველო, თბილისი - 11:01 | 19.07.2019
ნანახია: 153

კვირას რომ არჩევნები იყოს, გამოკითხულთა 26 პროცენტი ხმას „ქართულ ოცნებას“ მისცემდა, 22 პროცენტი კი „ერთიან ნაციონალურ მოძრაობას“, – ასეთია საერთაშორისო რესპუბლიკური ინსტიტუტის (IRI) მიერ ჩატარებული კვლევის შედეგები, რომელიც ორგანიზაციის ოფიციალურ საიტზე გამოქვეყნდა.

სხვა პარტიების შედეგი ასეთია: „ევროპული საქართველო“ – 7 პროცენტი, „პატრიოტთა ალიანსი“ – 5 პროცენტი, „ლეიბორისტული პარტია“ – 5 პროცენტი, „სამოქალაქო მოძრაობა“ – 2 პროცენტი, „დემოკრატიული მოძრაობა ერთიანი საქართველოსთვის“ – 2 პროცენტი, „შენების მოძრაობა“ – 2 პროცენტი, „გირჩი“ – 1 პროცენტი, სხვა – 1 პროცენტი, არც ერთი – 6 პროცენტი, არ ვიცი – 22 პროცენტი.

IRI-ს დაკვეთით საზოგადოებრივი აზრის კვლევა IPM-მა, 20 მაისიდან 11 ივნისის ჩათვლით ჩაატარა. საქართველოს მასშტაბით გამოიკითხა 1500 ადამიანი. კვლევის ცდომილება 2.5 პროცენტს შეადგენს.




არქივი

მოგვძებნე Facebook-ზე