სამხრეთ ოსეთი აღარასდროს გახდება საქართველოს ნაწილი - დიმიტრი მედოევი

საქართველო, თბილისი - 14:58 | 15.07.2019
ნანახია: 1640

საქართველოში ბოლო დროს განვითარებული მოვლენები მეტყველებს იმაზე, რომ მზიური საქართველო აღარ არსებობს და ის 1990 წელს ხელისუფლებაში ქართველი ნაციონალისტების მოსვლის დღიდან დასრულდა, - ამის შესახებ „რია ნოვოსტის“ ოკუპირებული სამხრეთ ოსეთის ე.წ. საგარეო საქმეთა მინისტრმა დიმიტრი მედოევმა განუცხადა. მისი თქმით, სამხრეთ ოსეთი აღარასდროს გახდება საქართველოს ნაწილი.

 „სამწუხაროდ, შესაძლებელია მხოლოდ ერთი რამის თქმა: საბჭოთა ადამიანებისთვის ნაცნობი საქართველო აღარ არსებობს, ის 1990 წელს ხელისუფლებაში ახალი ქართველი ნაციონალისტების მოსვლის შემდეგ დასრულდა. ნაციზმმა, რომელიც მიხეილ სააკაშვილმა სახელმწიფო პოლიტიკის რანგში აიყვანა, თავისი ნაყოფი გამოიღო. სტერეოტიპი სახელწოდებით „მზიური საქართველო“, რომელსაც იყნებდნენ საბჭოთა კავშირში მცხოვრებლები და ბოლო წლებში უკვე რუსეთის მოქალაქეები, გაქრა. ნიღბები ჩამოხსნილია, მითი ქართულ სტუმართმოყვარეობაზე  და მეგობრობაზე, შექმნილი ძირითადად საბჭოთა კინემატოგრაფისტების მიერ, გაფანტულია“, - განაცხადა ოსი სეპარატისტების ერთ-ერთმა ლიდერმა.

 „დღეს სკეპტიკოსებისთვისაც კი ცხადი გახდა, რომ სამხრეთ ოსეთი აღარასდროს გახდება საქართველოს ნაწილი, ჩვენ ნაცისტებთან ერთი გზა არ გვაქვს“, - განაცხადა სეპარატისტმა.

მედოევის თქმით, რუსეთთან პარტნიორობა ოსი ხალხის არჩევანია. “ამ არჩევანს აქვს ღრმა ფესვები და თავისი მდიდარი ისტორია, წელს 270 წელი სრულდება სანკტ-პეტერბურგში ოსეთის პირველი საელჩოს გახსნიდან, სწორედ მაშინ ჩაეყარა საფუძველი ოსეთ-რუსეთის თანამედროვე ურთეირთობებს“,  - განაცხადა ოსი სეპარატისტების ერთმა ერთმა ლიდერმა, მედოევმა.


პოლიტიკა



არქივი

მოგვძებნე Facebook-ზე