შეიძლება გახარიას სამართლებრივი პასუხისმგებლობის საკითხიც დადგეს - სერგი კაპანაძე

გახარაის აუცილებლად მოუწევს წასვლა და არა მარტო პოლიტიკური, არამედ შეიძლება მისი სამართლებრივი პასუხისმგებლობის საკითხიც დადგეს  – ამის შესახებ „ევროპული საქართველოს“ წევრმა, სერგი კაპანაძემ განაცხადა.

როგორც მან აღნიშნა, გიორგი გახარიამ იცურა, როდესაც თქვა, რომ ოპოზიციამ იცოდა წინასწარ და არ თქვა გავრილოვის ჩამოსვლასთან დაკავშირებით და ასევე იცრუა, როდესაც განაცხდა, რომ დემონსტრანტებს ხმოვანი გაფრთხილება მისცეს.

„ამით ამართლებს იმას, რომ თურმე რაღაცა გადატრიალება იგეგმებოდა. იცრუა, როდესაც თქვა, რომ არ ჰქონდათ სამართლებრივი საფუძველი მისი ქვეყანაში არშემოშვების. ამ დროს ჰქონდათ. იცრუა, როდესაც თქვა, რომ ხმოვანი გაფრთხილება მისცეს დემონსტრანტებს, ვიდრე გამოიყენებდნენ ძალას და არ მიუციათ ხმოვანი გაფრთხილება. იცრუა, როდესაც თქვა, რომ ყველაფერი ხდებოდა აუცილებელი მოგერიების ფარგლებში. აუცილებელი მოგერიება შეიძლება იყო რაღაც ეტაპზე, მაგრამ მას მერე, რაც რუსთაველზე გააგრძელეს რბევა დემონსტრანტების, არანაირი აუცილებელი მოგერიება არ ყოფილა. ბოლოს იცრუა, რომ თანამდებობაზე დარჩენა ნიშნავს პასუხისმგებლობის აღებას. ეს არის პირიქით, მისი წასვლა იქნება პასუხისმგებლობის აღება და აუცილებლად მოუწევს წასვლაც და არა მარტო პოლიტიკური, შეიძლება სამართლებრივი პასუხისმგებლობის საკითხიც დადგეს მისი“, – განაცხადა სერგი კაპანაძემ.