საქართველოს ზრდა და განვითარება თავისუფალი ერის სახით ცხადყოფს, რომ ქვეყანა სწორ მიმართულებას ადგას - მაიკ პომპეო

საქართველო, თბილისი - 23:00 | 11.06.2019
ნანახია: 67

საქართველოს ზრდა და განვითარება თავისუფალი ერის სახით - საბჭოთა კომუნიზმის რეჟიმში ყოფის თითქმის საუკუნოვანი გამოცდილების შემდეგ - ცხადყოფს, რომ ქვეყანა სწორ მიმართულებას ადგას და ჩვენ ვამაყობთ ჩვენი პარტნიორობით, - ამის შესახებ აშშ-ის სახელმწიფო მდივანმა მაიკლ პომპეომ საქართველოს პრემიერ-მინისტრ მამუკა ბახტაძესთან შეხვედრის შემდეგ, ერთობლივ ბრიფინგზე განაცხადა. ინფორმაციას მთავრობის ადმინისტრაცია ავრცელებს.

აშშ-ის სახელმწიფო მდივანმა პრემიერ-მინისტრს აშშ-თან კარგი მეგობრობისთვის მადლობა გადაუხადა და აღნიშნა, რომ გაგრძელდება მუშაობა საქართველოს დასავლური განვითარების მხარდასაჭერად.

"ვამაყობთ, რომ ქვეყნის ჯეროვანი პარტნიორები ვართ. ერთად უნდა ვიმუშაოთ, რათა დავიცვათ ის ძნელად მოპოვებული მიღწევების დაკარგვის რისკისგან და იმის უზრუნველსაყოფად, რომ საქართველომ მტკიცედ დასავლური განვითარება გააგრძელოს. ბატონო პრემიერ-მინისტრო, მადლობა გვერდით დგომისთვის, ჩემთან და ჩვენს გუნდთან შეხვედრისთვის. მადლობას მოგახსენებთ თქვენ და საქართველოს აშშ-სთან კარგი მეგობრობისა და პარტნიორობისთვის", - მიმართა მაიკლ პომპეომ მამუკა ბახტაძეს.




არქივი

მოგვძებნე Facebook-ზე