საქართველოში ანგარიშსწორება კრიპტოვალუტით იქნება შესაძლებელი

საქართველო, თბილისი - 16:34 | 11.06.2019
ნანახია: 176

სამშენებლო დეველოპერულმა კომპანია “მარდი ჰოლდინგმა” ანგარიშსწორება კრიპტოვალუტაში დაიწყო. კრიპტოვალუტით ანგარიშსწორება შესაძლებელია დისტანციურად ელექტრონული საფულეს მეშვეობით. მთავარია მომხმარებელს ჰქონდეს Bitcoin, Litecoin და Ethereum ელექტრონული ანგარიში.

ანგარიშსწორება მოხდება გადახდის დღისთვის არსებული გაცვლითი კურსის შესაბამისად.

კრიპტოვალუტით ანგარიშსწორების უპირატესობა იმაში მდგომარეობს, რომ ტრანზაქცია სწრაფია და არ საჭიროებს რთულ პროცედურებებს. მოსახერხებელია ტურისტებისთვისაც, რომლებსაც ხშირ შემთხვევაში ქართული ბარათი არ აქვთ და სურვილი აქვთ საქართველოში ყოფნისას შეიძინონ უძრავი ქონება.

"იდეა გაჩნდა მოთხოვნიდან გამომდინარე, ვინაიდან კომპანიის მიერ აშენებულ კორპუსებში მყიდველთა 50% უცხოელია, სურვილი გვქონდა მათთვის ხელსაყრელი პირობები და ფორმა შეგვეთავაზებინა” - ამბობს კომპანიის ფინანსური ანალიტიკოსი თამარ დევაძე.

"მარდი ჰოლდინგი" მულტიფუნქციური კომპანიაა, რომელიც ეწევა სამშენებლო საქმიანობას და ფლობს სასტუმრო და სარესტორნო ბიზნესებს. კომპანია სამომავლოდ მსგავს სერვისს ამ ობიექტებზეც შესთავაზებს მომხმარებლებს.




არქივი

მოგვძებნე Facebook-ზე