ჯულიან ასანჟი ეკვადორის საელჩოს ჯაშუშობისთვის იყენებდა - ლენინ მორენო

საქართველო, თბილისი - 13:37 | 15.04.2019
ნანახია: 807

WikiLeaks-ის დამფუძნებელი ჯულიან ასანჟი ლონდონში ეკვადორის საელჩოს ჯაშუშობისა და სხვა ქვეყნების საქმეებში ჩარევის მიზნით იყენებდა. ამის შესახებ ეკვადორის პრეზიდენტმა ლენინ მორენომ განაცხადა.

 „სამწუხაროა, რომ ჩვენი ტერიტორიიდან წინა ხელისუფლების ნებართვით ასანჟს ლონდონში ეკვადორის საელჩოში შესაძლებლობა ჰქონდა ჩარეულიყო სხვა ქვეყნების საქმეებში“, - განაცხადა მორენომ გაზეთ The Guardian-თან ინტერვიუში.

მისი თქმით, ეკვადორი არ დაუშვებდა, რომ მისი საელჩო ჯაშუშობის ცენტრად გამოეყენებინათ.

მისუვე თქმით, ასანჟისთვის თავშესაფრის ჩამორთმევა საერთაშორისო კანონმდებლობის საფუძველზე მოხდა.

მან ასევე აღნიშნა, რომ დიდი ბრიტანეთისგან მიიღო წერილობითი გარანტიები იმასთან დაკავშირებით, რომ ასანჟს არ გადასცემენ რომელიმე ქვეყანას, სადაც მას სიკვდილით დასჯა ემუქრება.

ბრიტანეთის პოლიციამ გასულ კვირას ასანჟი ლონდონში დააკავა, მას შემდეგ რაც ეკვადორის ხელისუფლებამ მას თავშესაფრის მიცემაზე უარი უთხრა.


პოლიტიკა



არქივი

მოგვძებნე Facebook-ზე