თი ბი სი ბანკის სამეთვალყურეო საბჭო ჯეროვნად ვერ ახერხებდა ბანკის აქციონერების ინტერესების დაცვას, თავმჯდომარისა და მისი მოადგილის დომინანტური გავლენის გამო

თი ბი სი ბანკის სამეთვალყურეო საბჭო ჯეროვნად ვერ ახერხებდა ბანკის აქციონერების ინტერესების დაცვას, თავმჯდომარისა და მისი მოადგილის დომინანტური გავლენის გამო - გვენეტაძე

საქართველო, თბილისი - 14:08 | 05.04.2019

ნანახია: 1318

„ეროვნულ ბანკში ჩემი მოსვლის შემდეგ და მანამდეც, თიბისი ბანკის ზედამხედველობის მიმართულებით ყველაზე მნიშვნელოვანი საკითხი სწორედ დაკავშირებული პირების დაკრედიტება და ინტერესთა კონფლიქტთან დაკავშირებული სხვა საკითხები იყო", განაცხადა სებ-ის პრეზიდენტმა პარლამენტში სიტყვით გამოსვლისას.

კობა გვენეტაძის თქმით, ბანკის დამფუძნებელი ადმინისტრატორების ბიზნესებთან დაკავშირებული ინტერესთა კონფლიქტის შემთხვევების გამო ბოლო წლებში ეროვნულ ბანკს არაერთხელ მოუწია ზომების მიღება.

"თუმცა, ჩვენ ამ თემებზე საჯაროდ არ ვსაუბრობთ, ვინაიდან საზედამხედველო ღონისძიებები კონფიდენციალურია. თიბისი ბანკში ინტერესთა კონფლიქტთან დაკავშირებული საკითხების მოგვარებას ჩვენ, პირველ რიგში, სამეთვალყურეო საბჭოს გაძლიერებითა და დამოუკიდებელი წევრების როლის გაზრდით ვცდილობდით. სწორედ სამეთვალყურეო საბჭოს მოვალეობაა ბანკის აქციონერების ინტერესების დაცვა, რასაც საბჭო ჯეროვნად ვერ ახერხებდა თავმჯდომარისა და მისი მოადგილის დომინანტური გავლენის გამო. ეს ყველაფერი 2018 წლის შემოწმებით არ დაწყებულა. ეს დაიწყო გაცილებით ადრე და 2019 წელს მიღებულ გადაწყვეტილებებამდე მიგვიყვანა" - თქვა სებ-ის პრეზიდენტმა