ლელა წურწუმია ახალ თურქულ სერიალში სულთნის როლს შეასრულებს
საქართველო, თბილისი - 15:11 | 25.03.2019 ნანახია: 5207ცნობილი ქართველი მომღერალი ლელა წურწუმია, ახალ თურქულ სერიალში ერთ-ერთ მთავარ როლს შეასრულებს. ამის შესახებ ინფორმაციას "პრესა.ჯი" ავრცელებს. სერიალი ოსმალეთის იმპერიის ისტორიულ მოვლენებს ეხება, სადაც მნიშვნელოვან როლს ქართველი ქალი სულთნებიც ასრულებდნენ.
სერიალის ოფიციალური პრომოს გადაღება აგვისტოსთვის მოხდება, ტრანსლაცია კი თურქულ არხზე სექტემბრიდან დაიწყება. ცნობილია, რომ ლელა წურწუმიას გარდა სერიალში მოცეკვავეები თათა ჯაში, ნანუკა სტამბოლიშვილი და ნინო ლეჟავაც მონაწილეობენ.
სერიალის ქასთინგ მენეჯერის, მაია გოგონის განცხადებით, საქართველოს დივა, მომღერალი ლელა წურწუმია ტელესერიალ „დიდებული საუკუნე - დაუმორჩილებელ სულთნებში“ მეორე სეზონიდან გამოჩნდება და ბოლომდე გასტანს. ლელა წურწუმია რაჰიმენ პრესტუ დადიანის როლს განასახიერებს, რომელიც სამეგრელოს მამამთავრის, ლევან მეორე დადიანის ქალიშვილი გახლდათ. სასახლეში, რაჰიმენის პერსონაჟი სერიალში დიდ ცეცხლს დაანთებს. მისი გამოჩენისას, სასახლის წესები სრულიად შეიცვლება, რადგან ის ისტორიულად პირველი პირია, რომელმაც ქალების როლი ოსმალეთის იმპერიაში განამტკიცა.
რაჰიმენი იმით განსხვავდება სხვა პერსონაჟებისაგან, რომ ის სახელმწიფო საქმეებში იმდენად ერევა, რამდენადაც ფადიშაჰი, ანუ, ოსმალეთის იმპერიის სულთანი. რაჰიმენს დაგეგმილი აქვს ქართველი დედასულთნის - ესმა დადეშქელიანის ვაჟიშვილის ტახტიდან ჩამოგდება და თავისი შვილის, უფლისწულ მეჰმედის ტახტზე აყვანა. რაჰიმენისათვის ანუ, ლელა წურწუმიასათვის შერჩეულია მუქი ტონალობის კოსტიუმი. ასევე ცნობილი ხდება, რომ ქართველ მომღერალს რამდენიმე სერიაში მოუწევს იმღეროს მეგრული სიმღერა, მაგალითად: „ასე ჩონგური“ და სხვა. ლელა წურწუმიას როლზე დამტკიცებისას ჟიურის წევრებმა გაითვალისწინეს მისი სახის მოყვანილობა, ჩაცმის სტილი, სიმაღლე და ვოკალური მონაცემები. მომღერალი აღნიშნულ როლს დიდი სიამოვნებით დასთანხმდა.
გამოცემის ინფორმაციით, ნანუკა სტამბოლიშვილის პერსონაჟი ფატმა შაჰ-ლიპარტელიანია, იმ პერიოდის სვანეთის საგვარეულოს წარმომადგენელი. ის არის ნიკოლოზ ლიპარტელიანის ქალიშვილი, რომელიც სასახლეში ფატმა დედასულთნის, იგივე ესმა დადეშქელიანის სეფექალი და მარჯვენა ხელია და კურირებს ინტრიგებს, ესმას მითითებებით. ფატმა იმით განსხვავდება სხვა პერსონაჟებისაგან, რომ ძალიან იდუმალ ატმოსფეროს ქმნის ზოგადად სცენარში. ის არის ქალი, რომელიც ძალიან პირდაპირია. მას, სცენარისტის თქმით, პარალელი გაუვლეს "ვეფხისტყაოსანში" მოყვანილ პერსონაჟზე, ნესტან-დარეჯანზე, რომელიც ყოველთვის პირდაპირ აკონკრეტებდა, რაც სურდა. ის არის ძალიან მკაცრი.
თათა ჯაში სცენარისტების ახალი აღმოჩენაა. ის საქართველოს ოპერისა და ბალეტის ერთ-ერთი მოცეკვავეა, რომელსაც საკმაოდ საინტერესო როლი ექნება. თათა სერიალში პერველი სეზონის ბოლოსკენ გამოჩნდება და მეორე სეზონამდე იქნება. ქართველი მოცეკვავე ლოაზეს გველესიანის როლს შეასრულებს.
ლოაზეს გველესიანი არის ოსმალეთის იმპერიის ერთ-ერთი მნიშვნელოვანი ფიგურა. ის ესმა დადეშქელიანის ბრძანებით ჩავიდა ოსმალეთის სასახლეში და ეახლა სამეფო კარს. ესმას გადაწყვეტილი აქვს, რომ ლოაზესი დააქორწინოს ოსმალეთის იმპერიის იმდროინდელ ფადიშაჰზე - სულთან აბდულჰამით მეორეზე. თუმცა, სულთანს პირველი ცოლი უკვე ჰყავს - გურული წარმოშობის ქალბატონი იასებ ქადინ გურიელი (გურიის მამათმთავრის ქალიშვილი), რომლის როლიც განხილვის პროცესშია და ამ ეტაპისათვის უცნობია, ვინ ითამაშებს, თუმცა, სცენარისტის თქმით, ისიც, რა თქმა უნდა, ქართველი იქნება. ამიტომ აბდულ ჰამითი მოაზესის ცოლად მოყვანაზე უარს იტყვის. ამით განრისხებული ესმა დადეშქელიანი, ლოაზესს ძველ „ცრემლების სასახლეში“ გააძევებს.
ისტორიულად ამ ადგილს იედიყულეს სასახლე ეწოდება, სადაც საქართველოს ისტორიის თანახმად, ერთ-ერთი მეფე ლუარსაბ მეორე იყო გამოკეტილი. ამ სასახლეში ლოაზესი სულ რაღაც ორი დღე და ღამე გაჩერდება. შემდეგ, მას სასახლის პირველი ვეზირი იუ ეზალეჩელები მოაკითხავს, რომლის ბრძანებითაც იგი რომანოვების სასახლეში გაემგზავრება და იმდროინდელ პრინცესას, ალექსანდრა თეოდოროვნას შეხვდება. - ჩვენთვის სცენარის ეს კონკრეტული ეპიზოდი ხდება ცნობილი.
როგორც გამოცემა აღნიშნავს, ნინო ლეჟავა სერიალში სპარსელი ქალის, კერძოდ, ირანის პრინცესას როლს ასრულებს. ის აბასიანთა საგვარეულოს უკანასკნელი წარმომადგენელი ქალია, რომელიც ჩადის ოსმალეთის იმპერიაში და იმდროინდელ დედა-სულთანს, ქართველ ესმა დადეშქელიანს ხვდება. მათ შორის, ძალიან კარგი ურთიერთობა ყალიბდება. ეს პერსონაჟი მოცეკვავე ქალი იყო და ასევე, მას მიაწერენ მაგიასაც, რადგან აღმოსავლეთში ძალიან განთქმული იყო მაგიის ხელოვნება.
პოლიტიკა
- პუტინიზმი ცდილობს ბუდე დაიდოს თქვენს სახლში თქვენივე მთავრობის ინიციატივით, ქართველებო, გაუფრთხილდით თავისუფლებას - ბორის აკუნინი
- ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი, ახლაც დამარცხდება - ეკა ხერხეულიძე
- ერთ მუშტს მოიქნევთ, ათი მოგხვდებათ, ამ ლაჩრობას არავინ არავის შეარჩენს - დავით მათიკაშვილი
- არ ვიცი, ვისი დაკვეთა იყო, მაგრამ ფაქტია, იყო წინასწარ დაგეგმილი აქტი - შალვა პაპუაშვილი მამუკა მდინარაძეზე თავდასხმაზე
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
- ელექტრომობილების გაყიდვები საქართველოში 37%-ით გაიზარდა - Tegeta Cars ბაზრის მთავარი მოთამაშეა
- 93%-ით გაზრდილი გაყიდვები და სამომავლო გეგმები – „ვოლვო ქარ კავკასია” 2024 წლის I კვარტალს აჯამებს
- სრულად ელექტრო Volvo EX30 პრესტიჟული ჯილდოს World Car Awards 2024-ის გამარჯვებულია
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა