ერაყში ჩაძირული ბორანის შედეგად დაღუპულთა ნათესავებმა ქვეყნის პრეზიდენტი ტრაგედიის ადგილზე არ მიუშვეს
საქართველო, თბილისი - 16:06 | 22.03.2019 ნანახია: 243
ერაყის ქალაქ მოსულში ბორანის ჩაძირვის შედეგად დაღუპულების განრისხებულმა ნათესავებმა ქვეყნის პრეზიდენტი და ნაინავის პროვინციის გუბერნატორი ტრაგედიის ადგილზე არ მიუშვეს. ტურისტული ბორანი მდინარე ტიგროსში გადაბრუნდა. დაღუპულია 96 ადამიანი, რვა კი დაკარგულია. შემთხვევა ბორანის გადატვირთულობამ და მდინარის წლის მომატებამ გამოიწვია.
პრეზიდენტი ბაჰრამ სალეჰი სასწრაფოდ სხვა ავტომობილით გაიყვანეს.
გამოცემა Baghdadtoday-ის ცნობით, დაღუპულების ნათესავებმა ნაინავის პროვინციის გუბერნატორის ავტოკოლონას ქვები ესროლეს.
გამოცემის წყაროს თქმით, ავტომობილი, რომელშიც გუბერნატორი იჯდა, არეულობის შედეგად რამდენიმე პროტესტანტს დაეჯახა.
დაღუპულების ნათესავები ერაყის პრემიერ მინისტრს, ჯანდაცვის მინისტრსა და პროვინციის გუბერნატორს კომპენსაციის გადახდას სთხოვენ, ასევე მოითხოვენ საგამოძიებო კომიტეტის შექმნას და კორუფციასთან ბრძოლის გაძლიერებას, რომელსაც ირიბი კავშირი აქვს ინციდენტთან.
წყრაოს ცნობით, ადგილობრივ პოლიციას ამ რაოდენობის დაშავებულების გადარჩენისთვის თანამშრომლები არ ყოფნის. ბორანის მფლობელმა კომპანიამ კი მოსალოდნელი წყლის მატების შესახებ მეტეოროლოგების გაფრთხილებას ყურადღება არ მიაქცია.