თქვენს წარსულთან დაკავშირებით კომპლექსი გვაწუხებს და გინდათ ეს გადაფაროთ აგრესიული და ცინიკური კითხვებით - თალაკვაძე ოპოზიციას
საქართველო, თბილისი - 15:22 | 21.03.2019 ნანახია: 828საპარლამენტო უმრავლესობის ლიდერმა, არჩილ თალაკვაძემ პარლამენტში, „მინისტრის საათის" ფორმატში იუსტიციის მინისტრის, თეა წულუკიანის გამოსვლა შეაფასა და აღნიშნა, რომ პარლამენტში კიდევ ერთი საინტერესო „მინისტრის საათი" გაიმართა. მისი განცხადებით, მინისტრის საათის ფორმატმა კიდევ ერთხელ დაადასტურა, რომ ახალი რეგლამენტი და რეფორმა, რომელიც საპარლამენტო ზედამხედველობის კუთხით გაკეთდა, იყო სწორი და ამ მიმართულებით პარლამენტში საინტერესო პროცესები იგეგმება. „პარლამენტში გვაქვს უფრო აქტიური და საინტერესო დისკუსია და მნიშვნელოვანია, რომ ყველა საკითხზე ოპოზიციას, უმრავლესობას და ნებისმიერ დეპუტატს აქვს კითხვის დასმის შესაძლებლობა", - აღნიშნა არჩილ თალაკვაძემ.
უმრავლესობის ლიდერი იუსტიციის მინისტრის მიმართ ოპოზიციის მხრიდან გამოთქმულ განცხადებებსაც გამოეხმაურა და ოპოზიციონერ დეპუტატებს საქმისადმი მეტი დაინტერესებისკენ მოუწოდა.
„გუშინ და დღესაც გამოჩნდა, რომ ოპოზიციას არავითარი საქმიანი კითხვა და არანაირი ინტერესი საქმესთან დაკავშირებით არ გამოუთქვამს. კოლეგებო, თქვენ შეკითხვებში და გამოსვლებში ვერ დავინახე, რომ თქვენ გაინტერესებთ მომავალი და თქვენ გაინტერესებთ საქმე, რომელსაც იუსტიციის მინისტრი აკეთებს. ხომ შეიძლება 100 კითხვიდან ერთი მაინც დასვათ საქმეზე? გასაგებია, რომ თქვენს წარსულთან დაკავშირებით კომპლექსი გვაწუხებს და გინდათ ეს გადაფაროთ ასეთი აგრესიული და ცინიკური კითხვებით, მაგრამ ვერ გადაფარავთ! უბრალოდ გამოდით თქვენი წარსულის კომპლექსიდან", - განაცხადა არჩილ თალაკვაძემ.
უმრავლესობის ლიდერმა საპარლამენტო ოპოზიციის ნაწილს მათი მმართველობის დროს დაშვებული შეცდომები შეახსენა და დასძინა, რომ იუსტიციის მინისტრს ახლა უწევს წარსულში გაფუჭებული საქმეების გამოსწორება. „მადლობა მაინც თუ გადაუხადეთ თეა წულუკიანს თქვენი გაფუჭებული საქმეები რომ აკეთა წლების განმავლობაში. 3600 ადამიანი რომ უნდა მოგეძებნათ და გამოგეკითხათ და 120 ადამიანის სია რომ დადეთ და ისინიც არ გამოკითხეთ წესიერად. ერთი სიტყვა მაინც გეთქვათ რუსეთთან მოგებულ საქმეზე. მსოფლიო პრეცენდენტია, რომ პატარა ქვეყანამ სტრასბურგში ამხელა სახელმწიფოს მოუგო საქმე, თან ისეთი საქმე, რომელსაც უდიდესი სტრატეგიული მნიშვნელობა აქვს", - აღნიშნა უმრავლესობის ლიდერმა.
არჩილ თალაკვაძემ ევროკავშირთან ინტეგრაციის პროცესში იუსტიციის სამინისტროს ჩართულობის მნიშვნელობაზეც ისაუბრა და მისი კონტრიბუცია აღნიშნა.
„ჩვენ გავაკეთებთ ყველაფერს იმისთვის, რომ საქართველომ თავის სტრატეგიულ პარტნიორებთან - ამერიკის შეერთებულ შტატებთან და ევროკავშირთან მტკიცე თანამშრომლობა გაგრძელდეს. ჩვენ გავხდებით ევროპული ოჯახის წევრი, სადაც არის საქართველოს ბუნებრივი ადგილი და ამ პროცესში იუსტიციის სამინისტროს უდიდესი მნიშვნელობა აქვს, რადგან იგი აქტიურად არის ჩართული ვიზა ლიბერალიზაციის და ასოცირების ხელშეკრულების განხორციელების პროცესში. მე დავინახე ოპტიმიზმი სამინისტროს მომავალ გეგმებში და ყველას მოგიწოდებთ, კოლეგებო, მეტი ოპტიმიზმით მოვეკიდოთ სახელმწიფოს მომავალს და მის ხვალინდელ დღეს", - განაცხადა არჩილ თალაკვაძემ.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა