ბიძინა ივანიშვილი Forbes-ის რეიტინგში 4,9 მილიარდი დოლარით 365-ე ადგილს იკავებს

საქართველო, თბილისი - 14:24 | 06.03.2019
ნანახია: 122

მსოფლიო მილიარდერებს სიაში 465-ე ადგილიდან 365-ეზე გადაინაცვლა. ჟურნალ Forbes-ის მიერ გამოქვეყნებული სიის მიხედვით, რეიტინგში ივანიშვილმა 4,9 მილიარდი დოლარით 365-ე ადგილი დაიკავა. ერთი წლის განმავლობაში მან თავისი კაპიტალი 0,2 მილიარდი დოლარით გაზარდა. შარშან იგი მსოფლიო მილიარდერებს შორის 465-ე ადგილზე იყო.

ქართველი მილიარდერი მსოფლიოს უმდიდრესი ადამიანების სიაში პირველად 2006 წელს გამოჩნდა, მაშინ მისი კაპიტალი 3,9 მილიარდი დოლარი იყო. ივანიშვილის მაქსიმალური მაჩვენებელი იყო 2008 წელს – 143-ე ადგილი 6,4 მილიარდი დოლარით.

Forbes-ის ლიდერთა სიის სათავეშია, 131 მილიარდი დოლარით, ონლაინრიტეილერი Amazon-ის ხელმძღვანელი ჯეფ ბეზოსი. მეორე ადგილზეა  Microsoft-ის დამფუძნებელი ბილ გეიტსი 96,5 მილიარდი დოლარით. ხოლო საინვესტიციო ფონდ Berkshire Hathaway-ის ხელმძღვანელმა უორენ ბაფეტმა 82,5 მილიარდი დოლარით საპატიო მესამე ადგილი დაიკავა.

სულ გამოცემამ 2 153 მილიარდერი დათვალა, რომელთა მთლიანი შემოსავალი 8,7 ტრილიონი დოლარია.

თებერვალში მილიარდერების სია გამოაქვეყნა Bloomberg-მაც. Bloomberg-ის რეიტინგში პარტია "ქართული ოცნების თავმჯდომარე" ბიძინა ივანიშვილი 5,15 მლრდ დოლარით 314-ე ადგილს იკავებს. 




არქივი

მოგვძებნე Facebook-ზე