არ არის აუცილებელი, გრიპის ვირუსის მეორე ტალღა თებერვალში იყოს, მაგრამ ქვეყანა მზად უნდა იყოს - ამირან გამყრელიძე

საქართველო, თბილისი - 13:15 | 24.01.2019
ნანახია: 478

არ არის აუცილებელი, გრიპის ვირუსის მეორე ტალღა თებერვალში იყოს, მაგრამ ქვეყანა მზად უნდა იყოს - ამის შესახებ  საქართველოს დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს.

მისი თქმით, ქვეყანაში „ტამიფლუს“ საკმარისი მარაგია, რომ ამბულატორიულ სექტორში დროულ ეტაპზე დაიწყოს ანტივირუსული მკურნალობა. მისივე თქმით, გრიპის საწინააღმდეგო ვაქცინაცია გასულ წელს 41 ათასმა ადამიანმა გაიკეთა.

„ევროპაში გრიპის სეზონი მე-40 კვირას იწყება და მომავალი წლის მე-20 კვირამდე გრძელდება. ჩვენ გრიპზე დაკვირვების მრავალწლიანი მაჩვენებელი გვაქვს. შეიძლება, იყოს ერთი, ორი ან მეტი ტალღა. არ არის აუცილებელი, მეორე ტალღა თებერვალში იყოს, მაგრამ ქვეყანა მზად უნდა იყოს. ჯანდაცვის სისტემა მზადყოფნაშია. თუ თებერვალში გრიპის ვირუსის მატება იყო, ამისთვის ჯანდაცვის სისტემა შესაბამის ზომებს მიიღებს. რაც შეეხება „ტამიფლუს“, მისი გაცემა სეზონის ბოლომდე რეცეპტის ან ფორმა 100-ის საფუძველზე უფასოდ გრძელდება“, – აღნიშნა გამყრელიძემ.

 




არქივი

მოგვძებნე Facebook-ზე