უზენაესი სასამართლოს მოსამართლეობის კანდიდატების სია ჩავარდა, რაშიც ეკა ბესელიას ლომის წილი მიუძღვის - ლევან გოგიჩაიშვილი

საქართველო, თბილისი - 12:40 | 27.12.2018
ნანახია: 220

უზენაესი სასამართლოს მოსამართლეობის კანდიდატების სია ჩავარდა, რაშიც იურიდიული კომიტეტის თავმჯდომარეს, ეკა ბესელიას ლომის წილი მიუძღვის, - ამის შესახებ პარლამენტის იურიდიულ საკითხთა კომიტეტის წევრმა ლევან გოგიჩაიშვილმა ჟურნალსიტებს განუცხადა.

ის კომიტეტში მოსალოდნელ საკადრო ცვლილებებზე ინფორმაციას არც უარყოფს და არც ადასტურებს.

„უზენაესი სასამართლოს მოსამართლეობის კანდიდატების სია ჩავარდა, ეს არის იურიდიული კომიტეტის დიდი დამსახურება. კომიტეტის თავმჯდომარეს, ეკა ბესელიას ლომის წილი მიუძღვის. ყველანი ვთანხმდებით, რომ კრიტერიუმები საჭიროა“, – განაცხადა ლევან გოგიჩაიშვილმა.

საქართველოს პარლამენტის იურიდიულ საკითხთა კომიტეტში შესაძლოა, საკადრო ცვლილებები განხორციელდეს. გავრცელებული ინოფრმაციით, დაკავებულ თანამდებობებს ტოვებენ კომიტეტის თავმჯდომარე, ეკა ბესელია და მისი პირველი მოადგილე, ვანო ზარდიაშვილი. ცვლილებები შესაძლოა, იუსტიციის უმაღლესი საბჭოს მიერ წარდგენილ უზენაესი სასამართლოს მოსამართლეობის კანდიდატებსაც უკავშირდებოდეს.

 




არქივი

მოგვძებნე Facebook-ზე