წლის საუკეთესო სპორტსმენი ლაშა ტალახაძე გახდა

საქართველო, თბილისი - 11:29 | 27.12.2018
ნანახია: 293

სპორტის სამინისტრომ 2018 წლის საუკეთესო სპორტსმენები გამოავლინა. დაჯილდოების ცერემონიალი რუსთაველის თეატრში გაიმართა.
ღონისძიებას საქართველოს პრეზიდენტი სალომე ზურაბიშვილი, პრემიერ-მინისტრი მამუკა ბახტაძე და თბილისის მერი კახა კალაძე დაესწრნენ.

2018 წლის საუკეთესო სპორტსმენი ლაშა ტალახაძე გახდა.

ნომინანტები იყვნენ:

ლაშა ტალახაძე (მსოფლიოსა და ევროპის ჩემპიონი ძალოსნობაში, მსოფლიო რეკორდსმენი)

გენო პეტრიაშვილი (მსოფლიოს ჩემპიონი და ევროპის ჩემპიონატის ვერცხლის პრიზიორი თავისუფალ ჭიდაობაში)

გურამ თუშიშვილი (მსოფლიოს ჩემპიონი ძიუდოში)

ნიკოლოზ ბასილაშვილი (დამოუკიდებელი საქართველოს ისტორიაში ATP (ეიტიპის) ტურნირების პირველი ქართველი ჩემპიონი, მსოფლიოს 21-ე ჩოგანი)

 

წლის საუკეთესო ქალი სპორტსმენი

ნინო ოძელაშვილი

წარდგენილი იყვნენ:

ნინო ოძელაშვილი (მსოფლიოსა და ევროპის ჩემპიონი სამბოში, პირველი ქართველი მსოფლიო ჩემპიონი ქალი საჭიდაო სახეობებში)

ელენე ქებაძე (მსოფლიოსა და ევროპის ჩემპიონი სამბოში)

ნანა ძაგნიძე (მსოფლიო საჭადრაკო ოლიმპიადის ბრინჯაოს პრიზიორი)

ანასტასია გოტფრიდი (ევროპის ჩემპიონი ძალოსნობაში)

ლიზი კილაძე (ახალგაზრდებს შორის მსოფლიო ჩემპიონატის ბრინჯაოს პრიზიორი ტყვიით სროლაში)

ნინო ხუციბერიძე (ახალგაზრდული ოლიმპიური თამაშების ბრინჯაოს პრიზიორი ტყვიით სროლაში)

 პარასპორტსმენები

ქალებს შორის გამარჯვებული გახდა პარამოფარიკავე ირმა ხეცურიანი, ხოლო მამაკაცებს შორის – პარაძიუროისტი ზვიად გოგოჭური.

წლის საუკეთესო მწვრთნელი

გიორგი ასანიძე

ნომინანტებს შორის იყვნენ:

გიორგი ასანიძე (ძალოსნობისნაკრების მთავარი მწვრთნელი)

გიორგი იანტბელიძე (თავისუფალი სტილით მოჭიდავეთა ნაკრების მთავარი მწვრთნელი)

ვლადიმირ ვაისი (საფეხბურთო ნაკრების მთავარი მწვრთნელი)

2018 წლის საუკეთესო გუნდი

საქართველოს ეროვნული საფეხბურთო ნაკრები

პრიზი ნაკრების სახელით საბა კვერკველიამ ჩაიბარა.

წარდგენილი იყვნენ:

ფეხბურთის ეროვნული ნაკრები (UEFA-ს ერთა ლიგაში მოპოვებული წარმატებისთვის)

ქალ მოჭადრაკეთა ეროვნული ნაკრები (43-ე მსოფლიო საჭადრაკო ოლიმპიადაზე მოპოვებული ბრინჯაოს მედლისთვის)

რაგბის ეროვნული ნაკრები (რაგბი ევროპის ჩემპიონატსა და საერთაშორისო მატჩებში მოპოვებული წარმატებისთვის)

წლის საუკეთესო ლეგიონერი

გამარჯვებული გახდა საქართველოს ნაკრებისა და ესპანური „ბასკონიას“ კალათბურთელი თორნიკე შენგელია.

პრიზი გამარჯვებულის მამამ, კახა შენგელიამ ჩაიბარა.

წლის საუკეთესო მენეჯერი

ლევან კობიაშვილი

ნომინაციაში წარდგენილი იყვნენ:

ლევან კობიაშვილი (ფეხბურთის ფედერაციის პრეზიდენტი)

გია გიორგაძე (ჭადრაკის ფედერაციის პრეზიდენტი, 43-ე მსოფლიო საჭადრაკო ოლიმპიადის საორგანიზაციო კომიტეტის ხელმძღვანელი)

კახი კახიაშვილი (ძალოსნობისფედერაციის პრეზიდენტი)

ნომინაციაში „წლის აღიარება“ დაჯილდოვდა ქართული ჭიდაობისეროვნული ფედერაცია.

2018 წელს UNESCO-მ ქართულ ჭიდაობას არამატერიალური კულტურული მემკვიდრეობის ძეგლის სტატუსი მიანიჭა.

წლის საუკეთესო მსაჯი

ელისო ბედოშვილი

წარდგენილი იყვნენ:

ელისო ბედოშვილი (საერთაშორისო კატეგორიის მსაჯი მხატვრულ ტანვარჯიშში, ახალგაზრდული ოლიმპიური თამაშების მსაჯი)

ნიკოლოზ ამაშუკელი (მსოფლიო რაგბის, რაგბი ევროპისა და 20-წლამდელთა 6 ერის მსაჯი)

ირაკლი კიკალიშვილი (საერთაშორისო კატეგორიის მსაჯი წყალბურთში)

სალომე ჩიგოგიძე (საერთაშორისო კატეგორიის მსაჯი ფიგურულ ციგურაობაში)

წლის საუკეთესი სპორტსმენი არაოლიმპიურ სახეობებში

ლევან საგინაშვილი

ნომინანტები იყვნენ:

ლევან საგინაშვილი (მსოფლიოსა და ევროპის ჩემპიონი მკლავჭიდში)

ვახტანგ ჩიდრაშვილი (მსოფლიოსა და ევროპის ჩემპიონი სამბოში)

ანდრეი ზინჩენკო (ევროპის ჩემპიონი კონტაქტურ კარატეში)

 

წლის საუკეთესო ახალგაზრდა სპორტსმენი

რევაზ დავითაძე

ნომინანტები იყვნენ:

რევაზ დავითაძე (ევროპის ჩემპიონი, მსოფლიოს ჩემპიონატის ბრინჯაოს პრიზიორი ძალოსნობაში უფროსებს შორის, მსოფლიოსა და ევროპის ჩემპიონი ახალგაზრდებს შორის)

გიორგი ჩხიკვაძე (ახალგაზრდული ოლიმპიური თამაშების ჩემპიონი ბერძნულ/რომაულ ჭიდაობაში)

გელა ზაალიშვილი (ევროპისა და მსოფლიოს ჩემპიონი ძიუდოში ახალგაზრდებს შორის)

ილია სულამანიძე (ახალგაზრდული ოლიმპიური თამაშების ვერცხლის პრიზიორი ძიუდოში)

ნუგზარ წურწუმია (მსოფლიოსა და ევროპის ჩემპიონატების ბრინჯაოს უფროსებს შორის, მსოფლიოსა და ევროპის ჩემპიონი 23-წლამდელთა შორის ბერძნულ/რომაულ ჭიდაობაში)

 

სპორტის სამინისტრომ სპეციალური პრიზებიც გასცა.

2017 წელს ნაჩვენები მაღალი სპორტული შედეგებისთვის

გიორგი იანტბელიძე
თავისუფალი სტილით მოჭიდავეთა ნაკრების მთავარი მწვრთნელი

წლის აღმოჩენა
გიორგი ჩაკვეტაძე
საქართველოს ნაკრების ფეხბურთელი

საერთაშორისო აღიარება
ზვიად პატარიძე
2018 წლის საუკეთესო ახალგაზრდა სპორტსმენი ჭიდაობის მსოფლიო გაერთიანების ვერსიით

სპორტულ მედიცინაში შეტანილი განსაკუთრებული წვლილისთვის
ოლიმპიური ნაკრების სამედიცინო პერსონალი

ზამთრის სპორტის სახეობის განვითარებაში შეტანილი წვლილისთვის
მარიამ გიორგობიანი
ფიგურული ციგურაობის ეროვნული ფედერაციის პრეზიდენტი

მსოფლიოში საქართველოს პოპულარიზაციისთვის
ლევან გორგაძე (ტოჩინოშინი) – იმპერატორის თასისა და ოძეკის ტიტულის მფლობელი პირველი ქართველი პროფესიონალი სუმოისტი

მსოფლიოში საქართველოს პოპულარიზაციისთვის
ზაზა ფაჩულია – NBA-ის ორგზის ჩემპიონი, Golden State Warriors-ის შემადგენლობაში

მსოფლიოში საქართველოს პოპულარიზაციისთვის
ნიკოლოზ ბასილაშვილი – დამოუკიდებელი საქართველოს ისტორიაში ATP-ის ტურნირების პირველი ქართველი ჩემპიონი, მსოფლიოს 21-ე ჩოგანი

 

 

საქართველოს პრეზიდენტი სალომე ზურაბიშვილი:

საქართველოს პრეზიდენტმა სპორტსმენებს მომავალ ასპარეზობებში კიდევ უფრო მეტი წინსვლა უსურვა და იმედი გამოთქვა, რომ 2019 წელსაც, მათი გამარჯვებების აღსანიშნავად, ბევრჯერ აიწევა მაღლა საქართველოს დროშა.

„ჩვენი სახელმწიფოსათვის ძალიან მნიშვნელოვანია, რომ მსოფლიოში ქართული სპორტის სიძლიერით ჩანს ქართული სახელმწიფო და მისი სიძლიერე. თქვენ, ამ სახელმწიფოს დიდი იმედი ხართ. სახელმწიფო დგას ბევრ რამეზე, მათ შორის, კულტურასა და სპორტზე. ამდენად, თქვენ ძალიან ძვირფასი ხართ ჩვენი სახელმწიფოსათვის. მადლობა მინდა გადაგიხადოთ ყველას, მოგილოცოთ დამდეგი შობა-ახალი წელი და ვისურვო, რომ არა მხოლოდ 2019-ში, არამედ, 2020-ში – ოლიმპიურ წელსაც საქართველომ მსოფლიო ასპარეზზე უამრავ წარმატებას მიაღწიოს“, – აღნიშნა სალომე ზურაბიშვილმა.

წყარო: fortuna.ge

 




არქივი

მოგვძებნე Facebook-ზე