მე ვიყავი საბჭოთა დიპლომატი და ძალიან ვამაყობ ამით - გრიგოლ ვაშაძე

საქართველო, თბილისი - 14:19 | 07.11.2018
ნანახია: 72

 

მე ვიყავი საბჭოთა დიპლომატი და ძალიან ვამაყობ ამით, – ამის შესახებ „ერთიანი ნაციონალური მოძრაობის“ საპრეზიდენტო კანდიდატმა, გრიგოლ ვაშაძემ „დოიჩე ველესთან“ ინტერვიუში განაცხადა.

მანვე აღნიშნა, რომ ცხოვრების ხუთი წელი რუსეთთან ბრძოლას შეალია და ამ ბრძოლაში წარმატებას მიაღწია.

„დოიჩე ველეს“ კითხვაზე თქვენ და თქვენს ოპონენტს გაქვთ მსგავსებები და განსხვავებები ბიოგრაფიებში. თქვენ ორივე იყავით საგარეო საქმეთა მინისტრები სააკაშვილის დროს, ქალბატონი ზურაბიშვილი თქვენამდე. თუმცა ის ფრანგი დიპლომატია, დაიბადა საფრანგეთში, თქვენ კი საბჭოთა დიპლომატი ხართ. გაქვთ ამასთან დაკავშირებით პრობლემები?

გრიგოლ ვაშაძემ უპასუხა: მე არანაირი პრობლემა მაქვს, რადგან 1958 წელს თბილისში დაბადებული ადამიანი სხვანაირი ვერ იქნება. მე ვიყავი საბჭოთა დიპლომატი და ძალიან ვამაყობ ამით. მე ვმონაწილეობდი მოლაპარაკებებში, რომლებმაც ჩვენი ცხოვრება უფრო უსაფრთხო გახადა: ქიმიური იარაღის აკრძალვის შესახებ, ბირთვული ცდების აკრძალვის შესახებ. მე ფანტასტიკური სკოლა გავიარე. ე.წ. ქართული ოცნება და ივანიშვილის ტელეარხები ცდილობენ, ითამაშონ ჩემს ბიოგრაფიაზე იმის თქმით, რომ მე „კა-გე-ბეს“ აგენტი ვარ, რომ მე რუსეთის გავლენის აგენტი ვარ. ეს არ მუშაობს,“ – განაცხადა გრიგოლ ვაშაძემ.

კითხვა: თუ საპრეზიდენტო არჩევნებში გაიმარჯვებ, როგორ რეაქციას ელოდებით რუსეთის მთავრობისგან?

გრიგოლ ვაშაძე: მე ცხოვრების ხუთი წელი რუსეთის წინააღმდეგ ბრძოლას შევწირე და წარმატებას მივაღწიე, რადგან რუსეთი ვენესუელის, სირიის, ნიკარაგუის სამარცხვინო კომპანიაში დავტოვე,“ – განაცხადა გრიგოლ ვაშაძემ.

 

 




არქივი

მოგვძებნე Facebook-ზე