ტრამპს გაეროში აშშ-ის მუდმივ წარმომადგენლად ქალის დანიშვნას ურჩევენ

საქართველო, თბილისი - 16:41 | 12.10.2018

ნანახია: 78

აშშ-ის პრეზიდენტს დონალდ ტრამპს მრჩევლები ურჩევენ გაეროში აშშ-ის მუდმივ წარმომადგენლად ნიკი ჰეილის წასვლის შემდეგ ქალი დანიშნოს. ამის შესახებ გამოცემა Politico წერს.

აშშ-ის ადმინისტრაციაში იმედოვნებენ ქალი ამომრჩევლების მხარდაჭერაზე ნოემბერში დაგეგმილ შუალედურ არჩევნებში.

ტრამპის თანაშემწეებმა დაიწყეს იმ ქალების სიის შედგენა, რომლებსაც გამოცდილება აქვთ საგარეო პოლიტიკის სფეროში, როგორც დინა პაუელს, რომელიც მუდმივი წარმომადგენლის პოსტზე ერთ-ერთ მთავარ კანდიდატად მოიაზრებოდა. თუმცა მან ამ თანამდებობაზე უარი თქვა. მედიის ცნობით, მას დროის უმეტესი ნაწილის დათმობა თავისი შვილებისთვის სურდა.

შესაძლო ქალ კანდიდატებს შორის არის კანადაში აშშ-ის ელჩი კელი ნაით კრაფტი. გამოცემის ცნობით, ის უკვე იყო თეთრ სახლში, შესაძლო დანიშვნის განსახილველად.

ტრამპის ერთ-ერთმა ახლო მეგობარმა, სენატორმა ლინდსი გრემმა პრეზიდენტს ურჩია ძუძუს კიბოსთან ბრძოლის ფონდის დამაარსებლის ნენსი ბრინკერისა და ნიუ ჰემპშირის შტატის ყოფილი სენატორის კელი ეიოტის კანდიდატურების განხილვა.

ტრამპს ასევე ურჩიეს ნატოში აშშ-ის მუდმივი წარმომადგენლის ქეი ბეილი ჰათჩისონის კანდიდატურაც, მაგრამ მისი შანსები აღნიშნულ თანადმებობაზე გაურკვეველია.