20 ოქტომბერს მარიხუანას ლეგალიზების ფესტივალი უნდა მოვაწყოთ - იაგო ხვიჩია

საქართველო, თბილისი - 16:07 | 11.10.2018
ნანახია: 296

20 ოქტომბერს მარიხუანას ლეგალიზების ფესტივალი უნდა მოვაწყოთ და ქვეყნის რეალობაში ასეთი დღე უნდა დამკვიდრდეს, – განაცხადა პოლიტიკური გაერთიანება “გირჩის” თავმჯდომარე იაგო ხვიჩიამ საზოგადოებრივი მაუწყებლის გადაცემაში „მოამბე-დღის თემა“ განაცხადა.

„მარიხუანას მოხმარების უფლება საკონსტიტუციო სასამართლომ დაგვიბრუნა და ამ რეალობაში ჩვენი უფლების რეალიზაცია ჩვენ თვითონ უნდა მოვახდინოთ“, – განაცხადა ხვიჩიამ.

მისივე თქმით, ეს ფესტივალი საზოგადოებას, მათ შორის, შეშინებულ ნაწილს ყველაზე ნათლად აჩვენებს, რაზეა საუბარი, ასე გავეშებით რას ვებრძვით და ასეთ დროს სწორი გამოსავალი რა იქნება.

„სხვა გამოსავალი არ გვაქვს, რადგან არჩევნების შემდეგ ამის შანსი ნაკლებია.არჩევნებამდე ნებისმიერ საკითხზე ბევრად მეტი უსაფრთხოება გვაქვს და პრეზიდენტობის კანდიდატს, ზურაბ ჯაფარიძეს არ დაიჭერენ. ღმერთმა ნუ ქნას, მოხდეს იმის შესრულება, რასაც პარტიები მარიხუანაზე გვპირდებიან“, – აღნიშნა იაგო ხვიჩიამ.

მისივე განცხადებით, ხელისუფლებამ ბოლომდე ვერ გარისკა, ეთქვა, რომ საკონსტიტუციო სასამართლოს გადაწყვეტილებას სწორად კითხულობს და კანონპროექტის სახით, ნახევარფაბრიკატი შემოგვთავაზა, რაც ასეთ დროს უარესია.

 

 




არქივი

მოგვძებნე Facebook-ზე