პირველი ქართველი მსოფლიო ჩემპიონი თავისუფალ ჭიდაობაში ვახტანგ ბალავაძე გარდაიცვალა

საქართველო, თბილისი - 13:18 | 25.07.2018
ნანახია: 121

პირველი ქართველი მსოფლიო ჩემპიონი თავისუფალ ჭიდაობაში ვახტანგ ბალავაძე 91წლის ასაკში გარდაიცვალა.

ვახტანგ ბალავაძე  დაიბადა სამტრედიის რაიონის სოფელ ღანირში.  პირველად ჩემპიონი 1954 წელს ტოკიოში გახდა, სამი წლის შემდეგ კი მსოფლიო ჩემპიონის ტიტულს სტამბოლში მეორედ დაეუფლა .

ვახტანგ ბალავაძე იყო მსოფლიო ჩემპიონატის ვერცხლის (თეირანი, 1959) და ოლიმპიური თამაშების (მელბურნი, 1956) ბრინჯაოს პრიზიორი. ბუქარესტის ახალგაზრდობის 1-ლი მსოფლიო ფესტივალის (1953) ჩემპიონი. ბუდაპეშტის (1954), სტოკჰოლმის (1954), გეტებორგის (1954), ესკალსტუნის (შვედეთი, 1954), თეირანის (1957), თავრიზის (1957), ტოლედოს (აშშ- 1958) საერთაშორისო ტურნირებში გამარჯვებული.

ჭიდაობის თავისებური ლაღი, რაინდული სტილის გამო მას საფრანგეთში „ჭიდაობის პროფესორი“, ხოლო იაპონიაში „ჩემპიონთა ჩემპიონი“ შეარქვეს.

ვახტანგ ბალავაძე იყო 1960 წლის რომის ოლიმპიური თამაშების მონაწილე.

ჭიდაობის განვითარებაში შეტანილი განსაკუთრებული წვლილისთვის ვახტანგ ბალავაძე 1997 წელს დაჯილდოვდა ჭიდაობის საერთაშორისო ფედერაციის FILA–სოქროს ორდენით.

ვახტანგ ბალავაძე საქართველოში სპორტისა და ოლიმპიური მოძრაობის განვითარებაში შეტანილი განსაკუთრებული წვლილისათვის, დაჯილდოებულია საქართველოს ოლიმპიური კომიტეტის ორდენით.

 




არქივი

მოგვძებნე Facebook-ზე