მაკედონიის პრეზიდენტი ქვეყნისთვის სახელის შეცვლის წინააღმდეგია

საქართველო, თბილისი - 14:22 | 14.06.2018
ნანახია: 65

მაკედონიის პრეზიდენტი გეორგე ივანოვი ქვეყნისთვის სახელის შეცვლის წინააღმდეგია. მან შესაბამის შეთანხმებას ხელი არ მოაწერა. პრეზიდენტმა ტელევიზიით მოსახლეობას მიმართა.

მისი თქმით, მაკედონიისთვის სახელის შეცვლის გადაწყვეტილება პირადად პრემიერ მინისტრმა ზორან ზაევმა და საგარეო საქმეთა მინისტრმა ნიკოლ დიმიტროვმა მიიღეს.

ივანოვს მიაჩნია, რომ შეთანხმება არ შეესაბამება ქვეყნის კონსტიტუციას და მას ზიანს აყენებს. მაკედონიის ლიდერის თქმით, ევროკაშირისა და ნატოს წევრობის პერსპეტქივა ამ შეთანხმებას არ ამართლებს.

პრეზიდენტმა აღნიშნა, რომ მის პოზიციას ვერანაირი ზეწოლა და მუქარა ვერ შეცვლის.

12 ივნისს ზორან ზაევმა და საბერძნეთის პრემიერ მინისტრმა ალექსის ციპრასმა განაცხადეს, რომ მრავალწლიანი კონფლიქტი დაარეგულირეს და შეარჩიეს ახალი სახელი -ჩრდილოეთ მაკედონია.

ისინი შეთანხმდნენ, რომ ქვეყანა რეფერენდუმს გამართვას. როდესაც ყოფილი იუგოსლავიის რესპუბლიკა დამოუკიდებლი გახდა, საბერძნეთმა მოითხოვა, რომ მას სახელი შეეცვალა, რადგან საბერძენთში უკვე არის რეგიონი სახელწოდებით მაკედონია.

უთანხმოების გამო, საბერძნეთი ევროკავშირში მაკედონიის გაწევრიანებას ეწინააღმდეგებოდა.

 




არქივი

მოგვძებნე Facebook-ზე