”აიფონ პლუსის” ვიდეორგოლს ბი-ბი-სი ეხმაურება

საქართველო, თბილისი - 13:57 | 19.11.2015
ნანახია: 1146

”აიფონ პლუსის” ვიდეორგოლს, რომელიც კომპანიის Facebook-ის ოფიციალურ გვერდზე რამდენიმე დღის წინ გავრცელდა, ბი-ბი-სის რუსული ბიურო ეხმაურება. გამოცემა წერს რომ კლიპმა, რომელშიც ასახულია სათამაშო იარაღებით შეიარაღებული, ნიღბოსანი ადამიანები, რომლებიც არაბულ ენაზე მიმართვას აკეთებენ და ”ალაჰ აკბარს” სკანდირებენ, საზოგადოების აღშფოთება გამოიწვია.

სარეკლამო რგოლს დართული ჰქონდა ქართული ტიტრები, რომელიც იუწყებოდა, რომ იანვრიდან ”აიფონ პლუსი” Apple-ის ოფიციალური პარტნიორი ხდება და სხვა კომპანიებს ბაზარზე სასტიკი კონკურენციით ემუქრება.

ბი-ბი-სი აღნიშნავს, რომ სოციალური ქსელის ქართველმა მომხმარებლებმა ვიდეორგოლის ავტორები პარიზის ტერატქების მსხვერპლთა უპატივცემულობაში დაადანაშაულეს, საზოგადოების ნაწილმა მაღაზიების დახურვაც კი მოითხოვა.

კომპანიის წარმომადგენელთა თქმით, ვიდეორგოლი ტერორიზმის მიმართ ერთგვარი სატირული პროტესტი იყო და იმედოვნებენ, რომ Apple-ის მხრიდან ის სერიოზულ რეაქციას არ გამოიწვევს.





არქივი

მოგვძებნე Facebook-ზე