ბათუმში რეკლამის საერთაშორისო ფესტივალი Ad Black Sea გაიმართება

საქართველო, თბილისი - 10:29 | 24.09.2015
ნანახია: 914

24-27 სექტემბერს ბათუმში რეკლამის საერთაშორისო ფესტივალი Ad Black Sea გაიმართება.
4 დღის განმავლობაში, ფესტივალის პროგრამის ფარგლებში ჩატარდება სემინარები, ვორქშოპები, მასტერკლასები, რაც შესანიშნავი საშუალებაა ადგილობრივი და დარგობრივი სპეციალისტებისათვის, ბიზნესმენებისათვის, მეწარმეებისათვის, განავითარონ და გააღრმავონ თავიანთი ცოდნა და გამოცდილება და მიიღონ რჩევები მსოფლიოში აღიარებული სპეციალისტებისაგან. ფესტივალის მონაწილეებს შეეძლებათ შეხვდენენ სარეკლამო სფეროს თვალსაჩინო წარმომადგენლებს ევროპიდან და ამერიკიდან, გაუზიარონ მათ თავიანთი ხედვები, ნახონ სხვადასხვა ქვეყნებში შექმნილი ნამუშევრები, მონაწილეობა მიიღონ კონკურსში.
ფესტივალის მონაწილეებისთვის ცოდნისა და გამოცდილების გასაზიარებლად რეკლამის სპეციალისტები მსოფლიოს 20 ქვეყნიდან ჩამოვლენ.
ფესტივალი საქართველოს საკომუნიკაციო სააგენტოების ასოციაციისა და უკრაინის სარეკლამო კოალიციის ერთობლივი ძალისხმევით ტარდება. ფესტივალის მხარდამჭერია საქართველოს მთავრობა და ბათუმის მერია.
ფესტივალი 3 ძირითადი მიმართულებისგან შედგება:
• საგანმანათლებლო პროგრამა
• კონკურსი (-საუკეთესო ვიდეო კონტენტი და სხვა ბრენდირებული კონტენტი; -საუკეთესო დიზაინი, პრინტი და პოსტერი და - საუკეთესო იდეა)
• კულტურული პროგრამა (რომლის ფარგლებში ფესტივალის დელეგატები სხვადასხვა სახის გასართობ ღონისძიებებში მიიღებენ მონაწილეობას)
ქართული სააგენტოებისთვის ფესტივალზე ნამუშევრის წარდგენა უფასოა.




არქივი

მოგვძებნე Facebook-ზე