„სილქ როუდ ჯგუფი“ 21 ობიექტიდან აჭარის მთავრობას 12 ობიექტს უკან დაუბრუნებს

საქართველო, თბილისი - 13:59 | 16.11.2015
ნანახია: 2392

აჭარი მთავრობასა და „სილქ როუდ ჯგუფს“ შორის დადებული ხელშეკრულება ისევ გადაიხედება და ინვესტორი აჭარაში 21 ობიექტის ნაცვლად, 9 ობიექტის მფლობელი გახდება, საიდანაც ერთი „რადისონ ბლუ ბათუმი“ უკვე რამდენიმე წელია ექსპლუატაციაშია.

როგორც აჭარის მთავრობის მეთაურმა არჩილ ხაბაძემ განაცხადა ინვესტორისთვის გადაცემული 21 ობიექტიდან სახელმწიფოს 12 ობიექტი უკან დაუბრუნდება, სადაც მთავრობა სამომავლოდ ახალი ინვესტორების დაინტერესებას შეეცდება.

რაც შეეხება დარჩენილ 9 ობიექტს, აქედან ერთი უკვე ექსპლუატაციაშია, ხოლო დანარჩენი 8 ობიექტის მშენებლობას კომპანია განახორციელებს.

როგორც არჩილ ხაბაძემ განაცხადა, ინვესტორსა და მთავრობას შორის უახლოეს დღეებში ახალი ხელშეკრულებები გაფორმდება.

"სილქ როუდ ჯგუფის" მფლობელობაში არსებული შპს "აჭარა რიზორთ ჰოლდინგ B.V"-სა და აჭარის მთავრობას შორის 2006 წლის 18 თებერვალს გაფორმებული ხელშეკრულება რეგიონში 21 ობიექტის მშენებლობას ითვალისწინებდა. თუმცა რადგან "აჭარა რიზორთ ჰოლდინგ B.V"-მა აღებული ვალდებულების შესრულება ვერ მოახერხა, 2009 წელს მხარეებმა ხელშეკრულების ვადის გაგრძელების გადაყვეტილება მიღეს. როგორც აჭარის მთავრობის მეთაურმა განმარტა, განახლებული ხელშეკრულებების მიხედვით, ინვესტორს ობიექტების ნაწილის მშენებლობა 2016 წლისთვის, ხოლო ნაწილის 2019 წელს უნდა დაესრულებინა.




არქივი

მოგვძებნე Facebook-ზე