როგორ უმკლავდება TV პირველის წამყვანი წონის პრობლემას და რა რჩევებს აძლევს ის ქალბატონებს

საქართველო, თბილისი - 15:54 | 27.10.2017
ნანახია: 3878

,,არ არსებობს იმაზე მძიმე სამუშაო, ვიდრე მთელი დღე, დილის 8 საათიდან შუაღამემდე ცდილობდე, ლამაზი იყო’’, - ამბობდა მერლინ მონრო. მართალია, ,,TV პირველის’’ წამყვანი მთელი დღე სილამაზეზე ფიქრში არ ატარებს, მაგრამ მისმა სილამაზემ და გარეგნობამ მაყურებელი მალევე მოხიბლა. მძიმე დატვირთული რეჟიმის მიუხედავად ეთუნა ინწკირველი ფორმაში ყოფნას ყოველთვის ახერხებს.

როგორ უვლის თავს, რას შეიცვლიდა ის საკუთრ გარეგნობაში, როგორ უმკლავდება ზედმეტ წონას, ამ და ბევრ საინტერესო საკითხთან დაკავშირებით, ,,პრაიმნიუსჯორჯიას’’ ,,TV პირველის’’ ახალი ამბების წამყვანი ეთუნა ინწკირველი ესაუბრება:

ეთუნა, თავის მოვლის რა საშუალებებს მიმართავ?

განსაკუთრებულს არაფერს ვაკეთებ. თავს ძირითადად სახლის პირობებში ვუვლი და მხოლოდ კოსმეტოლოგთან ვიზიტით შემოვიფარგლები. ვიკეთებ სხვადასხვა სახის ნიღბებს და ა,შ. პლასტიკური ოპერაციები არ მაქვს გაკეთებული.

პლასტიკური ქირურგიის წინააღმდეგი ხართ?

წინააღმდეგი არ ვარ. თუ ადამიანს რაიმე არ მოსწონს საკუთარ გარეგნობაში და აქვს საშუალება, რომ უკეთესობისკენ შეიცვალოს, რატომაც არა. თუმცა, მე არასდროს მიმიმართავს მსგავსი პროცედურებისთვის.

ზოგადად რას შეიცვლიდით საკუთარ გარეგნობაში?

არის პატარა დეტალები, რაც არ მომწონს, რასაც შევიცვლიდი. ზოგადად ძალიან კრიტიკული ვარ ჩემი თავის მიმართ, მაგრამ ამ ეტაპზე ცვლილებებს ვერ და არ ვრისკავ. ზოგადად მომწონს ბუნებრიობა და ბუნებრივი ქალები. ასაკის მატებასთან ერთად გამიჩნდება ნაოჭებიც და ვფიქრობ, რომ ქალმა ნაოჭიც უნდა მოიხდინოს.

სპორტული ცხოვრების მოყვარული ხართ?

რა თქმა უნდა. დატვირთული სამუშაო გრაფიკის მიუხედავად, ზაფხულში მაინც ვახერხებდი ვარჯიშს და საკმაოდ კარგი პერიოდი მქონდა.

დილით ძალიან ადრე ვდგებოდი და დავრბოდი, შემდეგ სამსახურში მივდიოდი.

ბევრ ქალბატონს და არამარტო, აწუხებს წონის პრობლემა. თქვენ?

წონას ყოველთვის ვაკონტროლებ. სიმართლე გითხრათ, მიწევს დიეტებთან ,,ჭიდაობა“, რადგან საკმაოდ გურმანი ვარ, მიყვარს გემრიელი კერძები.

ახლა ცოტა მომატებული ვარ და რამდენიმე კილოგრამს ვებრძვი, თუმცა არა დიეტით.

როგორ ებრძვით?

ვცდილობ დავაბალანსო კვების რეჟიმი.

ეკრანზე ყოველთვის კარგად გამოიყურებით, რაც მაყურებლის განსაკუთრებულ ყურადღებას იქცევს. ვინ ზრუნავს თქვენს ჩაცმულობაზე, ვარცხნილობაზე, მაკიაჟზე და ა.შ. 

ძირითადად მე ვზრუნავ საკუთარ გარეგნობაზე. ჩემი გემოვნებით ვიცვამ, მაკიაჟს მე ვიკეთებ და შეძლებისდაგვარად ვარცხნილობასაც, მაგრამ რამდენად გამომდის არ ვიცი.

მაკიაჟის კეთება ვინ გასწავლათ?

ჩემით ვისწავლე. სტუდენტობიდან მოყოლებული მაკიაჟს ვიკეთებ, დროთა განმავლობაში ხელი გამივარჯიშდა და ნელ-ნელა დავიხვეწე. სატელევიზიო მაკიაჟიც ჩემია, უბრალოდ ის განსხვავდება ყოველდღიურისაგან. შაბათ-კვირას ვცდილობ რომ სახის კანი დავასვენო და მაკიაჟი აღარ გავიკეთო.

სალონებს ხშირად სტუმრობთ? 

ხშირად არა, რადგან სწორი, თხელი თმა მაქვს და არ ვიღებავ.

დაბოლოს, რას ეტყვით, რას ურჩევთ ქალბატონებს?

ქალბატონებს ვურჩევ, რაც სიამოვნებას ანიჭებთ, ის აკეთონ. ვთვლი, რომ საქმიდან, ადამიანებისგან, გარეგნობიდან, სამოსიდან და თუნდაც კერძიდან სიამოვნება უნდა მიიღონ. კარგი განწყობა ქალს აბედნიერებს და ალამაზებს. ბევრი ღიმილიანი ქალი მინდა ვიხილო და ცხოვრობდეს საქართველოში.

გიორგი საკარული, PrimeNewsGeorgia




არქივი

მოგვძებნე Facebook-ზე