პრეზიდენტმა საკონსტიტუციო ცვლილებების პროექტის ექვს პუნქტს ვეტო დაადო

საქართველოს პრეზიდენტმა გიორგი მარგველაშვილმა საკონსტიტუციო ცვლილებების პროექტს ვეტო დაადო და ცვლილებებს პარლამენტს უკან, მოტივირებული შენიშვნებით უბრუნებს. 

მოტივირებული შენიშვნები კონსტიტუციის 6 საკითხს ეხება. როგორც მარგველაშვილმა განაცხადა, შენიშვნების 4 საკითხი არის ქართული ოცნების მიერ ვენეციის რეკომენდაციით აღებული ვალდებულება.

ესენია: ბონუსის სისტემა, ბლოკების, საკნოსტიუტციო სასამართლოს და აღმსარებლობის თავისუფლების საკითხი, საარჩევნო სისტემას, კერძოდ 2020 წლისთვის, მაჟორიტარობის გაუქმება და სრულად პროპორციულზე გადასვლა და პრეზიდნეტის არჩევის წესი. 

პრეზიდნეტის განცხადებით, მოტივირებული შენიშვნები სამოქალაქო საზგადოებას, პოლიტიკურ პარტიებსა და მოქალაქეებტან არსებული კონსესუსით იქნა მიღებული.

ვეტოს დაძლევაზე პარლამენტი, სავარაუდოდ, 13 ოქტომბერს იმსჯელებს. 

პარლამენტმა საკონსტიტუციო ცვლილებები მესამე მოსმენით 26 სექტემბერს დაამტკიცა და დოკუმენტი ხელმოსაწერად პრეზიდენტს გადაეგზავნა.