გიორგი სიგუა ოჯახთან ერთად საცხოვრებლად სამეგრელში გადადის - ჩვენ შევალთ გინესის რეკორდების წიგნში
საქართველო, თბილისი - 14:01 | 04.05.2017 ნანახია: 22508ელექტრონული მუსიკის ფესტივალი GEM Fest-ი აქტიურ ფაზაში შედის. მზადება და ციებ-ცხელება დაწყებულია, ანაკლია-განმუხური კი სტუმრების მოლოდინში. ადგილობრივი მოსახლეობის თქმით, ანკლია-განმუხურში, ასევე მის მიმდებარე ტერიტორიებზე პროექტ "ზრდის" ბენეფიციართა ყველა საცხოვრებელი სახლი უკვე დაჯავშნილი ან გაყიდულია, როგორც მეზობელი ქვეყნებიდან, ისე ევროპიდან, ამერიკიდან და სხვა კონტინენტებიდან.
„პრაიმნიუსჯორჯია“ GEM Fest-ის დამფუძნებელს და ორგანიზატორს, გიორგი სიგუას გაესაუბრა:
მთლიანად იცვლება მიდგომა ანუ რწმენა იმისი, რომ ანაკლია შეიძლება გახდეს მსოფლიო მნიშვნელობის კურორტი და მსოფლიო მნიშვნელობის ლოკაცია. ეს დაიჯერა უკვე ყველამ. ეს რწმენა და ენერგია გვაძლევს იმის საშუალებას, რომ მართლა განვახორციელოთ და შევთავაზოთ პლანეტას სრულიად ახალი ლოკაცია. ჩვენ წელს შევალთ გინესის რეკორდების წიგნში, როგორც ყველაზე ხანგრძლივი ფესტივალი, მაგრამ ამავე დროს უნდა ვაჩვენოთ მომსახურეობის, ინფრასტრუქტურის, გაუმჯობესებული სველი წერტილების ყველაზე მაღალი ხარისხი. ამისთვის ყველაფერს აკეთებს ხელისუფლება, ადგილობრივი მუნიციპალიტეტი, ჩვენი გუნდი, მოსახლეობა. 32 დღის, 24 საათის განმავლობაში 10 სცენაზე 3 ათასი ივენთის გამართვა, ასამდე კვებისა და გასართობი სავაჭრო ობიექტის შექმნა იქ, სადაც არის ჩვენი მთავარი ტკივილი, სადაც იწყება აფხაზეთი - ძალიან მნიშვნელოვანია. ეს არის ძალიან დიდი გამოწვევა და ჩვენ ყველანი ერთად ამ ყველაფერს ვაცნობიერებთ და ვაკეთებთ.
რატომ მაინცდამაინც ანაკლია და არა სხვა რომელიმე საკურორტო ქალაქი?
ძალიან მიყვარს საქართველო და ვარ პატრიოტი, მაგრამ განსაკუთრებული გრძნობები მაქვს სამეგრელოს მიმართ, რადგან წარმშობით აქედან ვარ. აქ გადმოსახლებასაც კი ვაპირებ. დღეს ერთ-ერთმა ქალბატონმა მიწის ნაკვეთი მაჩუქა, სადაც ვაპირებ სახლის აშენებას და ჩემს ოჯახთან ერთად ცხოვრებას. მჯერა, რომ სამეგრელოს ჰყავს ისეთი ხალხი, ისეთი ხელისუფლება, რომელსაც შეუძლია აჩვენოს ეკონომიკური მოდელი არამარტო საქართველოს, არამედ მთელს მსოფლიოს. მინდა, რომ ამ ყველაფერში მცირეოდენი წვლილი შევიტანო და ეს კუთხე და რეგიონი, რომელიც საკმაოდ დაიჩაგრა საქართევლოს ისტორიის განმავლობაში, გაძლიერდეს, ფეხზე დადგეს, და მსოფლიოსთვის საინტერესო და მიმზიდველი გახდეს.
სამეგრელოში გადმოსვლას და ცხოვრებას ნამდვილად აპირებთ?
კი, მე თბილისიდან გადმოვედი საცხოვრებლად სამეგრელოში.
ოჯახთან ერთად?
ოჯახს გადმოვიყვან მალე. ბავშვისთვის შევარჩევთ სკოლას და გადმოვალთ.
ოჯახი ამ გადაწყვეტილებას როგორ შეხვდა?
გაგებით და კარგად.
თუმცა რთულია, ასე უცებ დატოვო თბილისი და საცხოვრებლად გადმოხვიდე რაიონში.
ჩემთვის აბსოლუტურად არ არის რთული, რადგან ამას ვაკეთებ ძალიან დიდი სიხარულით. მჯერა, რომ სამეგრელო, დასავლეთ საქართველო იმდენად განვითარდება, რომ საერთოდ არ იქნება საჭირო თბილისში ცხოვრება და ჩასვლაც კი. არაფერს ვაჭარბებ - ადამიანები, რომლებიც აქ ცხოვრობენ, არიან პოტენციური მილიონერები, 4-5 წელიწადში მათი სახლების ადგილას იქნება 4 და 5 ვარსკვლავიანი სასტუმროები, რომლებსაც თვითონ ააშენებენ და გააკეთებენ ყოველგვარი კრედიტის გარეშე.
თუმცა, ამ ეტაპზე, არის საუბარი ფესტივალზე, რომელიც ერთ თვეში დამთავრდება. ანაკლია კი, კვლავ ჩევულ ცხოვრებას დაუბრუნდება.
დიახ, მაგრამ სამაგიეროდ ანაკლიას მსოფლიოს გავაცნობთ. ადამიანები უკვე ფესტივალის გარეშეც ჩამოვლენ აქ. ზოგადად ჩვენს გეგმებში შედის, რომ რამდენიმე წლის შემდეგ ანაკლიაში თავდაპირველად მთელი საზაფხულო სეზონი იყოს დატვირთული. აქ შევქმნით ისეთ საფესტივალო სტრუქტურას, რომ სხვა ღონისძიებებიც ჩატარდეს. გაჩნდება კლუბები, სხვადასხვა გასართობი ცენტრები. ამას მართალია წლები დასჭირდება, მაგრამ საბოლოოდ ანაკლია აუცილებლად გახდება მსოფლიო მნიშვნელობის კურორტი.
შეგახსენებთ, რომ ელექტრონული მუსიკის ფესტივალი Gem Fest-ი საქართველოში 2015 წლიდან ტარდება და მუსიკალურთან ერთად ქვეყნის მნიშვნელოვან ტურისტულ მოვლენას წარმოადგენს.
გიორგი საკარული, პრაიმნიუსჯორჯია
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა