რუსეთმა ესტონეთის პრემიერ-მინისტრზე ძებნა გამოაცხადა

საქართველო, თბილისი - 13:20 | 13.02.2024
ნანახია: 687

ესტონეთის პრემიერ მინისტრი კაია კალასი სისხლის სამართლის ბრალდებით ძებნილთა სიაშია შეყვანილი. იტყობინება რუსული სააგენტო "ტას"-ი რუსეთის შინაგან საქმეთა სამინისტროს მონაცემთა ბაზაზე დაყრდნობით.

"კაია კალასი იძებნება სისხლის სამართლის კოდექსის მუხლით", - ნათქვამია მონაცემთა ბაზაში, თუმცა არ არის მითითებული, რა მუხლით არის ძებნა გამოცხადებული.

ამასთან, ძებნაა გამოცხადებული ესტონეთის სახელმწიფო მდივან ტაიმარ პეტერკოპზე.

"ტას"-ის ინფორმაციით, შინაგან საქმეთა სამინისტრომ მედიას განუცხადა, რომ " კალასისა და პეტერკოპის წინააღმდეგ საქმე აღიძრა საბჭოთა ჯარისკაცების ძეგლების განადგურებისა და დაზიანებისთვის".


პოლიტიკა



არქივი

მოგვძებნე Facebook-ზე