SAP Discovery Day - საერთაშორისო ტექნოლოგიური ბრენდის მასშტაბური ღონისძიება Soft Motion-ის მხარდაჭერით გაიმართა
საქართველო, თბილისი - 19:10 | 16.11.2023 ნანახია: 916
თბილისში რეგიონის ერთ-ერთი ყველაზე მნიშვნელოვანი ტექნოლოგიური ღონისძიება SAP Discovery Day გაიმართა. ღონისძიება საქართველოში პირველად ჩატარდა. მისი მიზანი იყო რეგიონის ქვეყნებისთვის, პროგრამული უზრუნველყოფის მიმართულებით, გერმანული კომპანიის SAP-ისა და მისი პროდუქტების შესახებ ცნობადობის ამაღლება, ასევე ბიზნესისთვის გამოცდილებების გაზიარება.
ღონისძიების მხარდამჭერი და მთავარი წარმდგენი Soft Motion საქართველოში SAP-ის ოქროს პარტნიორია. Soft Motion-ისა და მისი პარტნიორი კომპანიების წარმომადგენლებმა საქართველოში SAP-ის პროდუქტების ეფექტიანობასა და შესაძლებლობებზე ისაუბრეს.
Soft Motion ქართულ ბაზარზე ერთადერთი კომპანიაა, რომელიც დაკომპლექტებულია ადგილობრივი, სერთიფიცირებული კადრებით და აქვს შესაძლებლობა, მართოს სრული ციკლი - პროდუქტის შერჩევა, შეძენა, ლიცენზიის მოპოვება, დანერგვა და მხარდაჭერა.
ალექსანდრე ბარნოვი, Soft Motion-ის დირექტორი: „SAP Discovery Day შემეცნებითი ღონისძიებაა, რომლის ფარგლებშიც SAP-ის პროდუქტებთან მიმართებით წარმატებულ პროექტებსა და გამოცდილებებზე ვისაუბრეთ. ძირითადი აქცენტები SAP ERP-ზე, მის მარკეტინგულ და HR შესაძლებლობებზე გაკეთდა. საინტერესო ფორმატში გადავწყვიტეთ პრაქტიკების გაზიარებაც - ჩვენი სპიკერებისა და კომპანიების წარმომადგენლების ერთობლივი გამოსვლებით ამომწურავი ინფორმაცია მივაწოდეთ სტუმრებს SAP-ის პროდუქტების შესახებ. პრეზენტაციების ამ ფორმატმა შესაძლებლობა მოგვცა, ორივე მხარისთვის გვეჩვენებინა პროცესების მიმდინარეობა და მისი შედეგები“.
ღონისძიების სტუმრებს SAP-ის შესაძლებლობებზე ინფორმაცია Soft Motion-ის გუნდის სხვა წევრებმაც გაუზიარეს. თამთა მეგრელიშვილმა და სანდრო ბუნტურმა საქართველოსა და ზოგადად კავკასიის რეგიონში დანერგილ პროდუქტებზე ისაუბრეს.
სტუმრებს საკუთარი გამოცდილება გაუზიარა Soft Motion-ის ყველაზე მსხვილმა პარტნიორმა და საქართველოში SAP-ის სისტემების პირველმა მომხმარებელმა „თეგეტა ჰოლდინგმაც“. ღონოსძიების ბოლოს „თეგეტას“, Soft Motion-სა და SAP-ს შორის ურთიერთანამშრომლობის ხელშეკრულებას მოეწერა ხელი.
ვახტანგ კაჭარავა, „თეგეტა ჰოლდინგის“ აღმასრულებელი დირექტორი: „SAP-ის პროდუქტები 2008 წლიდან დაინერგა თეგეტაში და ჰოლდინგში შემავალი თითქმის ყველა კომპანია უკვე მუშაობს სისტემაში. სამომავლოდ ვგეგმავთ ყველა მათგანის SAP-ის განახლებულ ვერსიაზე გადაყვანას. ჩვენს მაგალითზე შეიძლება თამამად ითქვას, რომ SAP-ის პროდუქტები ბიზნესს საქმიანობას უმარტივებს. პროგრამული უზრუნველყოფის სისტემის მეშვეობით ბიზნესპროცესების ინფორმაცია ერთ პლატფორმაზე გროვდება და მუშავდება და ადამიანური ფაქტორი მინიმუმამდეა დაყვანილი. ის უადვილებს კომპანიებს მომხმარებლებთან და პარტნიორებთან ურთიერთობას. შედეგად ბიზნესს შეუძლია დააჩქაროს პროცესები, გაზარდოს პროდუქტიულობა - შესაბამისად, მიიღოს მეტი სარგებელიც“.
SAP-ის ოქროს პარტნიორი საქართველოში Soft Motion 2021 წლის იანვარში ჩამოყალიბდა და მის დამფუძნებლებს ამ სფეროში მრავალწლიანი გამოცდილება აქვთ.
ალექსანდრე ბარნოვი, Soft Motion-ის დირექტორი: „SAP არ სთავაზობს კომპანიებს სტანდარტულად პრობლემის გადაწყვეტას ან უბრალოდ რაღაც სოფტს. SAP სთავაზობს მათ ათწლეულების განმავლობაში დაგროვილ საუკეთესო გამოცდილებებს და ასეულობით კომპანიის საუკეთესო პრაქტიკებს, რომლებიც სტანდარტიზებული აქვს თავის სისტემებში. ის ბიზნესს ეხმარება პროცესების დალაგებაში, სიტუაციების სწორად დანახვაში და პრობლემების გამოსწორების უკეთესი გზების განსაზღვრაში.
ჩვენთვის მნიშვნელოვანია, რომ ბიზნესს დავანახოთ SAP-ის მრავალფეროვანი შესაძლებლობები. მეტიც, გვინდა ვაჩვენოთ მათ, რომ პატარ-პატარა ნაბიჯებით შეგვიძლია მოვსინჯოთ SAP-ის სერვისები და მივხვდეთ, რა სიკეთის მოტანა შეუძლია მას“.
SAP Discovery Day-ის ღონისძიებას ბიზნესსექტორის 150-ამდე წარმომადგენელი დაესწრო, რომელთაც შესაძლებლობა ჰქონდათ, კიდევ უფრო ახლოს გასცნობოდნენ SAP-ის პროდუქტებს და მომავალში პროცესების ტექნოლოგიური გამარტივებისკენ კიდევ ერთი ნაბიჯი გადაედგათ.
პოლიტიკა
- „ნაციონალური მოძრაობის“ პოლიტსაბჭოს 20 ადამიანი დაემატება - ლევან ხაბეიშვილი
- ოპოზიციამ საკუთარ შეცდომებს უნდა გადახედოს, იმავე „ნაციონალურმა მოძრაობამ“, შეცდომებისთვის დიდი პოლიტიკური ფასის გადახდა უწევთ - მიხეილ სარჯველაძე
- მილიტარისტულად ტერიტორიული მთლიანობის აღდგენის გეგმა არ გვაქვს, არც ვუშვებთ ამას, ჩვენ შეგვწევს უნარი და ეს შესაძლებელია, რომ ტერიტორია გამთლიანდეს უომრად - მიხეილ სარჯველაძე
- რადიკალურ ოპოზიციას ყველაზე ცუდ სიზმარშიც არ წარმოედგინათ, რომ საქართველო კანდიდატის სტატუსს მიიღებდა, ისიც ვერ წარმოედგინათ, რომ ევროკომისია დადებით რეკომენდაციას გასცემდა, ეს მათთვის შავი დღე იყო - მამუკა მდინარაძე
საზოგადოება
- კინგსის საგნობრივ ოლიმპიადებზე რეგისტრირებულ ყველა მოსწავლეს საქართველოს ბანკისგან საჩუქრად ლუპის პრემიუმ პაკეტი გადაეცემა
- საქართველოს ბანკისა და SOLO-ს მხარდაჭერით, ეროვნულ გალერეაში თამარ დე ლეტე - ვაჩნაძის პირველი მასშტაბური გამოფენა იმართება
- 500 Georgia-ს პროგრამაში მონაწილე სტარტაპებმა ლისაბონში მიმდინარე საერთაშორისო Web Summit-ში მიიღეს მონაწილეობა
- გახდი საქართველოს ბანკის სტიპენდიატი და ისწავლე GAU-ს უნივერსიტეტში სრული ან ნაწილობრივი სწავლის დაფინანსებით
სამართალი
- დააკავეს პირი, რომელმაც ბათუმში 40 წლის კაცი ცივი იარაღით დაჭრა
- პროკურატურა სააპელაციო წესით გაასაჩივრებს სასამართლოს გადაწყვეტილებას, რომლითაც ქალზე ძალადობის, მუქარის და ნარკოტიკების შეძენა-შენახვის ფაქტებზე კახა აბუაშვილს გირაო შეეფარდა
- „დირიჟორი“ - ახალი სპექტაკლი თეატრ სახელოსნო 42-ში - სეზონის პარტნიორია SOLO
- ესპანეთში ქართული დანაშაულებრივი დაჯგუფების წინააღმდეგ ჩატარებული მასშტაბური სპეცოპერაციის შედეგად 30-ზე მეტი ადამიანი დააკავეს - ესპანური მედია
ეკონომიკა
- უძრავი ქონების დეველოპერულმა კომპანიამ ,,ბიოგრაფი ლივინგმა“ ,,საქართველოს ბანკთან“ და სამშენებლო კომპანია ,,ანაგთან“ თანამშრომლობის მემორანდუმი გააფორმა
- შექმენი Black Friday შეთავაზება საქართველოს ბანკის Ads მენეჯერის საშუალებით
- საქართველოს ბანკის მხარდაჭერით Green Waves 210 ჰექტარზე ნუშის ბაღებს გააშენებს
- საქართველოს ბანკის მხარდაჭერით 17 ნოემბერს „ფერმერის დღე“ გაიმართა
მსოფლიო
- უკრაინა სტრატეგიულ ჩიხშია, დასავლეთის ნაწილი მზად არის, ჩვენი მიწებით და სისხლით გადაიხადოს, რომ რუსეთმა არ წააგოს - ოლექსეი არესტოვიჩი
- თურქეთის პარლამენტმა შვედეთის ნატო-ში გაწევრიანების რატიფიცირება, შესაძლოა, წლის ბოლომდე მოახდინოს - Reuters
- ჩვენ არ გავჩერდებით, ვიდრე „ჰამასის“ ყველა მძევალი არ გათავისუფლდება - ჯო ბაიდენი
- მსოფლიოში ბევრი წარუმატებელი ქვეყანაა, რომლებსაც სურთ, ერთდროულად ისხდნენ ორ ან მეტ სკამზე, ემსახურონ რამდენიმე ბატონს, ერთ-ერთი მათგანია სომხეთი - ილჰამ ალიევი
კულტურა
- რუსეთის წინააღმდეგ საქართველოს მთავრობის საჩივარში განსაკუთრებული ყურადღება ეთმობა არჩილ ტატუნაშვილის, გიგა ოთხოზორიასა და დავით ბაშარულის მკვლელობებს - იუსტიციის სამინისტრო
- დავით კეზერაშვილი პირდაპირ ამბობს, რომ აფინანსებს ოპოზიციურ პარტიებს - არჩილ თალაკვაძე
- გარდაიცვალა რეჟისორი გიორგი ლევაშოვ-თუმანიშვილი
- საბავშვო ევროვიზიაზე მარიამ ბიგვავა მესამე ადგილზე გავიდა | ვიდეო
კონფლიქტები
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
- სახალხო დამცველის ინსტიტუტის მხრიდან, ამას შეფასება ვერ მოჰყვება, რადგან არ შედის იმ ტიპის საკითხებში, რომლებზეც ჩვენ ვაკეთებთ კომენტარს - ლევან იოსელიანი პრეზიდენტის იმპიჩმენტზე
- აფხაზეთის ომის დაწყებიდან 31 წელი გავიდა
მედიცინა
- ვაქცინაციისთვის 50 000 შპრიცი უკვე საქართველოშია - ჯანდაცვის სამინისტრო
- Pfizer-მა და BioNTech-მა ევროპის სამედიცინო სააგენტოს მიმართეს ვაქცინის დამტკიცების თხოვნით
- მესამე ტალღას არ გამოვრიცხავთ - ეკატერინე ტიკარაძე
- Moderna-ს კორონავირუსის საწინააღმდეგო ვაქცინამ 95%-იანი ეფექტურობა აჩვენა - წინასწარი მონაცემები
სპორტი
- საქართველოს კალათბურთელთა ნაკრებმა მონტენეგრო დაამარცხა და თბილისის თასის გამარჯვებული გახდა
- რთულია, როცა ვხედავ ცრემლებს თქვენს თვალებზე და თქვენთვის ბედნიერება ვერ მომაქვს, ბოდიში და მადლობა…დავბრუნდებით უფრო ძლიერები - ხვიჩა კვარაცხელია
- საქართველოსა და ნორვეგიის საფეხბურთო ნაკრებების შეხვედრა 1:1 დასრულდა
- საქართველოს მორაგბეთა ნაკრები ევროპის ჩემპიონია