სასჯელაღსრულებისა და პრობაციის მინისტრი ვისკონსინის შტატის დელეგაციას შეხვდა
საქართველო, თბილისი - 18:00 | 18.04.2016 ნანახია: 1456სასჯელაღსრულებისა და პრობაციის მინისტრი კახა კახიშვილი საქართველოში ვიზიტით მყოფ ვისკონსინის შტატის პენიტენციური დეპარტამენტის დელეგაციას შეხვდა. ვისკონსინის პენიტენციური დეპარტამენტის წარმომადგენლების სამუშაო ვიზიტი, რომელიც აშშ-ს საელჩოს ანტინარკოტიკული და სამართალდამცავ ორგანოებთან ურთიერთობის საკითხთა საერთაშორისო ბიუროს (INL) ორგანიზებით დაიგეგმა, მიზნად ისახავს პენიტენციური დაწესებულების მართვის (Unit Management), მსჯავრდებულთა რისკების შეფასების, კლასიფიკაციის მეთოდოლოგიის დანერგვისა და შემდგომი განვითარების მიმართულებით აშშ-ს გამოცდილების გაზიარებას.
სამინისტროში გამართულ შეხვედრაზე სასჯელაღსრულებისა და პრობაციის მინისტრმა აღნიშნა, რომ აშშ-ში საქართველოს პენიტენციური სისტემის არაერთი თანამშრომელი გადამზადდა და ამერიკულ მხარეს თანამშრომლობისთვის მადლობა გადაუხადა.
კახა კახიშვილის თქმით, საქართველოს სასჯელაღსრულების სისტემამ აშშ-ს პენიტენციური სისტემისგან რამდენიმე კარგი პროგრამა გაიზიარა, რომლებიც დღეს N16 პენიტენციურ დაწესებულებაში უკვე ხორციელდება.
„აშშ-ს პენიტენციური სისტემის თანამშრომლებთან მჭიდრო სამსახურებრივი და მეგობრული ურთიერთობა გვაქვს. მსჯავრდებულების რისკების მიხედვით კლასიფიკაცია, რომელიც საპილოტე პროგრამის ფარგლებში ხორციელდებოდა, უკვე აქტიურად დაინერგა ჩვენს სისტემაში. აშშ-ს დელეგაცია ამ მიმართულებით ჩვენს საქმიანობას გაეცნობა, რის შემდეგაც საქართველოს პენიტენციურ სისტემაში გასატარებელ რეფორმებს დავგეგმავთ“, - განაცხადა კახა კახიშვილმა.
მინისტრის თქმით, მიუხედავად ურთულესი მემკვიდრეობისა, სამინისტროს თანამშრომლების თავდაუზოგავი შრომის, ასევე, აშშ-ს და ევროპული გამოცდილების გაზიარების შედეგად, საქართველოს პენიტენციური სისტემა პოსტსაბჭოთა სივრცეში მოწინავეა.
სასჯელაღსრულებისა და პრობაციის მინისტრი დელეგაციის წევრებს სამინისტროში განხორციელებულ რეფორმებსა და დაგეგმილ სიახლეებზე ესაუბრა. კახა კახიშვილის თქმით, გაწერილია პენიტენციური სისტემის რეფორმის მეორე ეტაპი, რომელიც პირობით ვადამდე გათავისუფლებას, ავადმყოფობის გამო სასჯელის გადავადების და პატიმართა დასაქმების საკითხებს მოიცავს.
როგორც სასჯელაღსრულებისა და პრობაციის საკითხებში INL-ის მრჩევლმა ენტონი სტრეველერმა აღნიშნა, სასჯელაღსრულებისა და პრობაციის სამინისტროსა და ვისკონსის შტატის პენიტენციურ დეპარტამენტს შორის თანამშრომლობა საერთო მიზნის მიღწევას _ საქართველოს პენიტენციური სისტემის რეფორმირებასა და გაუმჯობესებას ემსახურება.
„თქვენს სისტემაში პროგრესი უკვე შესამჩნევია და ჩვენი დელეგაციის ორკვირიანი ვიზიტი რეკომენდაციებისა და გამოცდილების გაცვლის კარგი საშუალება იქნება“, - განაცხადა ენტონი სტრეველერმა.
ვისკონსინის შტატის პენიტენციური დეპარტამენტის დელეგაციის ვიზიტის ფარგლებში დაგეგმილია რამდენიმე პენიტენციური დაწესებულებისა და თავისუფლების შეზღუდვის დაწესებულების მონახულება. ასევე, სამინისტროსა და პენიტენციური დეპარტამენტის ხელმძღვანელობასთან, პენიტენციური დაწესებულებების დირექტორებთან, ცენტრალური აპარატის მულტიდისციპლინარულ გუნდთან, დაწესებულებების მონაცემთა პირველადი დამუშავების ჯგუფებთან და სასწავლო ცენტრის წარმომადგენლებთან საკონსულტაციო შეხვედრების გამართვა.
აღსანიშნავია, რომ კონსულტაციების მიღებისა და გამოცდილების გაზიარების მიზნით საქართველოს სასჯელაღსრულებისა და პრობაციის სამინისტროს დელეგაცია ვისკონსინის შტატის სასჯელაღსრულების დეპარტამენტს 2014 და 2015 წლებში სტუმრობდა. აღნიშნული ვიზიტები სასჯელაღსრულებისა და პრობაციის სამინისტროსა და აშშ-ს საელჩოს ანტინარკოტიკული და სამართალდაცვით ორგანოებთან ურთიერთობის საერთშორისო ბიუროს (INL) შორის გაფორმებული მემორანდუმის ფარგლებში განხორციელდა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა