ჩეჩნეთში „ისლამური სახელმწიფოს“ წევრები დააკავეს

ჩეჩნეთში „ისლამური სახელმწიფოს“ წევრები დააკავეს. ამის შესახებ ჩეჩნეთის ლიდერმა რამზან კადიროვმა „რუსნოვოსტის“ განუცხადა. მისი თქმით, ჩეჩნეთის რესპუბლიკის ტერიტორიაზე ტერორისტული ორგანიზაციის სამი წევრი გამოავლინეს, რომლებიც გადაბირებით იყვნენ დაკავებულნი. მისივე თქმით, ეს ადამიანები გადასაბირებლად ისეთ ოჯახებს ირჩევენ, რომლებსაც საზოგადოებაზე დიდი გავლენა აქვთ.

ჩეჩნეთის ლიდერმა „რუსნოვოსტის“ ეთერში ასევე განაცხდა, რომ მზად არის სირიაში ისლამისტების წინააღმდეგ ქვეითი ჯარიც კი გაგზავნოს.