2-12 აპრილს თბილისის საგუნდო მუსიკის VI საერთაშორისო ფესტივალი გაიმართება
საქართველო, თბილისი - 19:00 | 29.03.2016 ნანახია: 17912 აპრილიდან 12 აპრილის ჩათვლით თბილისის საგუნდო მუსიკის VI საერთაშორისო ფესტივალი გაიმართება, რომელიც უკვე მეექვსე წელმაც უკვე ღორსეული ადგილი დაიმკვიდრა როგორც ქალაქის კულტურულ ცხოვრებაში, ასევე საგუნდო მუსიკის მოყვარულთა შორის. ფესტივალი ტარდება თბილისის მერიისა და საქართველოს კულტურისა და ძეგლთა დაცვის სამინისტროს მხარდაჭერით.
ფესტივალში მონაწილეობას იღებენ საქართველოში არსებული აკადემიური და საბავშვო საგუნდო კოლექტივები. ასევე, პროფესიული გუნდები უცხოეთიდან.
„თბილისის საგუნდო მუსიკის VI საერთაშორისო ფესტივალში“ მონაწილეობენ საერთაშორისო საგუნდო კონკურსებში გამარჯვებული, მრავალი ფესტივალის მონაწილე, საგუნდო მუსიკის მოყვარულთათვის კარგად ცნობილი – კამერული გუნდი „აიდია“ (ლიტვა) – ხელმძღვანელი რომუალდას გრაჟინი, გოგონათა გუნდი „ანგელიკა“ (უნგრეთი) – ხელმძღვანელი ჟუჟანა გრაფი და გუნდი „სამარტინი“ (ბელგია) – ხელმძღვანელი მარიან მიტეა, რომელიც აფხაზეთის სახელმწიფო საგუნდო კაპელასთან და საქართველოს ეროვნულ სიმფონიურ ორკესტრთან ერთად 8 აპრილს ფესტივალის ფარგლებში გამართავს კონცერტს შოთა რუსთაველის სახელმწიფო დრამატული თეატრის მცირე დარბაზში. კონცერტზე შესრულდება ჯაკომო პუჩინის გენიალური ნაწარმოები Messa di gloria ( პირველი შესრულება საქართველოში), დირიჟორი მარიან მიტეა.
თბილისის საგუნდო მუსიკის VI საერთაშორისო ფესტივალის საზეიმო დახურვა გაიმართება 2016 წლის 12 აპრილს თბილისის სახელმწიფო კონსერვატორიის დიდ დარბაზში. მონაწილეობას მიიღებენ ფესტივალში მონაწილე საგუნდო კოლექტივები და ბოლო ნომრად, ტრადიციისამებრ, ყველა გუნდი ერთად შეასრულებს ჰენდელის „ალილუიას“ ორატორიიდან “MESSIAH” .
წლევანდელ ფესტივალში 18 საგუნდო კოლექტივი მონაწილეობს, რომლებიც საგუნდო მუსიკის მოყვარულთათვის განსხვავებულ და საინტერესო პროგრამას შეასრულებენ.
ააიპ „თბილისის საგუნდო მუსიკის საერთაშორისო ფესტივალი“ 2013 წელს თბილისის მერიის ხელშეწყობით და ხელოვნებათმცოდნე – ქალბატონ მაია ჩაჩავას ინიციატივით დაფუძნდა. ფესტივალის სამხატვრო ხელმძღვანელია ნიკო სულხანიშვილის სახელობის სახელმწიფო კაპელის მთავარი ქორმაისტერი – არჩილ უშვერიძე.
„თბილისის საგუნდო მუსიკის საერთაშორისო ფესტივალი“ 2011 წლიდან თბილისის კულტურული ღონისძიებების ცენტრის დაფინანსებითა და კულტურისა და ძეგლთა დაცვის თანადაფინანსებით ყოველწლიურად, გაზაფხულზე იმართება.
ფესტივალის პარტნიორი და თანაორგანიზატორია საქართველოს ეროვნული მუსიკალური ცენტრი, ნოკოლოზ რაჭველის ხელმძღვანელობით.
მისი მიზანია ქართული საგუნდო საშემსრულებლო ტრადაციების შენარჩუნება, განვითარება და პოპულარიზაცია. შემოქმედებითი ურთიერთობების დამყარება უცხოეთის საგუნდო კოლექტივებთან და მათი შემოქმედების გაცნობა ქართველი მსმენელისთვის.
ფესტივალში მონაწილე საგუნდო კოლექტივები:
გორის ქალთა კამერული გუნდი
თბილისის ყოვლადწმიდა სამების კათედრალის საპატრიარქო გუნდი
აფხაზეთის სახელმწიფო საგუნდო კაპელა
ბათუმის ქალთა კამერული გუნდი
ბათუმის სახელმწიფო კაპელა
რუსთავის კამერული გუნდი
თელავის ქალთა გუნდი „კახეთის ჰანგები“
თბილისის გოგონათა გუნდი
ნიკო სულხანიშვილის სახელობის სახელმწიფო საგუნდო კაპელა
თბილისის სახელმწიფო კონსერვატორიის ბაკალავრიატის გუნდი
თბილისის სახელმწიფო კონსერვატორიის მაგისტრატურის გუნდი
მსახიობ ქალთა სამოყვარულო გუნდი „ბენეფისი“
გოგონათა გუნდი „ანგელიკა“ (უნგრეთი)
კამერული გუნდი „აიდია“ (ლიტვა)
გუნდი „სამარტინი“ (ბელგია)
გორის სამუსიკო კოლეჯის მოსწავლეთა გუნდი
ვაჟთა გუნდი „მძლევარი“
ახალგაზრდული შერეული გუნდი „თუთარჩელა“
თბილისის საგუნდო მუსიკის VI საერთაშორისო ფესტივალი
ფესტივალის გახსნა
2 აპრილი, 19:00
ვანო სარაჯიშვილის სახელობის სახელმწიფო კონსერვატორიის დიდი დარბაზი
კამერული გუნდი „აიდია“, (ლიტვა) – ხელმძღვანელი რომუალდას გრაჟინი
გორის ქალთა კამერული გუნდი – სამხატვრო ხელმძღვანელი თეონა ცირამუა
სამების კათედრალის საპატრიარქო გუნდი – დირიჟორები სვიმონ ჯანგულაშვილი, ზვიად ბოლქვაძე
3 აპრილი, 15:00
ვანო სარაჯიშვილის სახელობის სახელმწიფო კონსერვატორიის დიდი დარბაზი
თელავის ქალთა კამერული გუნდი „კახეთის ჰანგები“ – ქორმაისტერი პავლე დემურიშვილი
რუსთავის კამერული გუნდი – სამხატვრო ხელმძღვანელი მამუკა გულაღაშვილი
ნიკო სულხანიშვილის სახელობის სახელმწიფო საგუნდო კაპელა – დირიჟორი გივი მუნჯიშვილი
4 აპრილი, 18:00
ნოდარ დუმბაძის სახელობის მოზარდ მაყურებელთა პროფესიული თეატრი
ვაჟთა გუნდი „მძლევარი“ – ხელმძღვანელი კახა ონაშვილი
ახალგაზრდული შერეული გუნდი„თუთარჩელა“ – ხელმძღვანელი თამარ ბუაძე
გორის სამუსიკო კოლეჯის მოსწავლეთა გუნდი – ხელმძღვანელი ნინო წიკლაური
თბილისის გოგონათა გუნდი – ხელმძღვანელი ომარ ბურდული
8 აპრილი, 18:30
შოთა რუსთაველის სახელობის სახელმწიფო დრამატული თეატრის მცირე დარბაზი
სამარტინის გუნდი (ბელგია) – ხელმძღვანელი მარიან მიტეა
აფხაზეთის სახელმწიფო საგუნდო კაპელა – სამხატვრო ხელმძღვანელი და მთავარი დირიჟორი გურამ ყურაშვილი
საქართველოს ეროვნული სიმფონიური ორკესტრი– სამხატვრო ხელმძღვანელი და მთავარი დირიჟორი ნიკოლოზ რაჭველი
10 აპრილი, 18:00
ვანო სარაჯიშვილის სახელობის სახელმწიფო კონსერვატორიის მცირე დარბაზი
ანგელიკა (უნგრეთი) – ხელმძღვანელი ჟუჟანა გრაფი
კონსერვატორიის მაგისტრატურის გუნდი – ხელმძღვანელი არჩილ უშვერიძე
კონსერვატორიის ბაკალავრიტის გუნდი – ხელმძღვანელები: ლია ჭონიშვილი, მიხეილ ედიშერაშვილი
11 აპრილი, 18:00
ვანო სარაჯიშვილის სახელობის სახელმწიფო კონსერვატორიის მცირე დარბაზი
ბათუმის ქალთა კამერული გუნდი – სამხატვრო ხელმძღვანელი ზაირა ვადაჭკორია,დირიჟორი გელა ვადაჭკორია
ბათუმის მუსიკალური ცენტრი სახელმწიფო კაპელა – ქორმაისტერი ლელა დოლიძე
თბილისის მსახიობ ქალთა სამოყვარულო გუნდი „ბენეფისი“ – სამხატვრო ხელმძღვანელი ნანა კალანდაძე
12 აპრილი, 19:00
ვანო სარაჯიშვილის სახელობის სახელმწიფო კონსერვატორიის დიდი დარბაზი
ფესტივალის დახურვა
ფესტივალში მონაწილე გუნდები
პოლიტიკა
- კრიმინალები გვარამია და მელია უცხოეთიდან ჩარევის შედეგად არიან გარეთ, კინო წინ არის, ისინი იქნებიან იმ დავალების შემსრულებლები, რასაც ჰქვია ქვეყანაში სიტუაციის არევა - პაპუაშვილი
- გუშინ, შვიდკაციანი კოლონა რომ მოდიოდა, იქაც კი დაჩაგრეს ხაბეიშვილი, რა ვუშველო, არ ვიცი, არც იქანა უნდათ, არც აქანა მიიღეს, იქაც უკან მოჩანჩალებდა - ირაკლი ზარქუა
- ვერანაირი საპარლამენტო არჩევნები ვერ იქნება აღიარებული დემოკრატიულ არჩევნებად, თუ მიხეილ სააკაშვილი არ იქნება თავისუფალი და არ იქნება კამპანიაში ჩართული - პეტრე ცისკარიშვილი
- საქართველო მზად არის, დადებითი როლი შეასრულოს იმ პროცესებში, რომლებიც უკავშირდება ჩვენს რეგიონში მშვიდობისა და სტაბილურობის უზრუნველყოფას - ირაკლი კობახიძე
საზოგადოება
- საქართველოს ფოსტის ორგანიზებითა და თბილისის სახელმწიფო უნივერსიტეტის მხარდაჭერით, გაიმართა გამოფენა „ქართული განათლება, კულტურა და საფოსტო მარკები“
- თბილისის ერთ-ერთ სკოლაში წიწაკის სპრეი გაუშვეს, რამდენიმე მოსწავლე პრევენციის მიზნით კლინიკაში გადაიყვანეს
- ზრუნვის 1 საათი დედამიწას - „თეგეტა“ გარემოსდაცვით აქტივობას „დედამიწის საათს“ შეუერთდა
- 26 მარტიდან 27 მარტის დილამდე საქართველოში მოსალოდნელია წვიმა, მაღალმთაში ზოგან ძლიერი თოვა და ქარბუქი
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
- კიევზე სარაკეტო იერიში განხორციელდა
კონფლიქტები
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
- სახალხო დამცველის ინსტიტუტის მხრიდან, ამას შეფასება ვერ მოჰყვება, რადგან არ შედის იმ ტიპის საკითხებში, რომლებზეც ჩვენ ვაკეთებთ კომენტარს - ლევან იოსელიანი პრეზიდენტის იმპიჩმენტზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა