ADB-ს მუდმივი წარმომადგენლობის ახალი დირექტორი საქართველოსადმი ADB-ის მხარდაჭერის გაზრდის პირობას დებს
საქართველო, თბილისი - 10:19 | 30.09.2015 ნანახია: 1839
აზიის განვითარების ბანკის (ADB) მუდმივი წარმომადგენლობის ახალი დირექტორი იეშიმ ელჰან-კაიალარი მუშაობას დღეიდან შეუდგა. მისი განმარტებით, ეცდება ინკლუზიური და მდგრადი განვითარების ხელშეწყობისა და რეგიონული კავშირების გაძლიერების მიზნით, საქართველოსადმი ADB-ის მხარდაჭერა გაზარდოს.
„2007 წლიდან დღემდე, საჯარო სექტორის ხელშეწყობისა და კერძო სექტორის განვითარების მეშვეობით, საქართველოს მთავრობამ და ADB-მ გააერთიანა ძალისხმევა ინფრასტრუქტურისა და საქართველოს მოსახლეობისათვის მომსახურების მიწოდების ხარისხის გაუმჯობესების მიზნით.“ „მჯერა, რომ სწორედ აღნიშნულ მიღწევებზე დაყრდნობით, პორტფელის ზრდასთან ერთად გაღრმავდება ჩვენი თანამშრომლობა დაინტერესებულ მხარეებთან“, - განაცხადა ელჰან-კაიალარიმ.
2014-2018 წლების ქვეყანასთან თანამშრომლობის მიმდინარე სტრატეგიის (CPS) მიხედვით, საქართველო ADB-სგან მხარდაჭერას მიიღებს შემდეგ სფეროებში: გზების, ენერგო სექტორის, წყალმომარაგებისა და წყალარინების სისტემების ინფრასტრუქტურა და მომსახურება, საჯარო სექტორის მართვა, კერძო სექტორის განვითარება, ფინანსური სექტორის გაღრმავება და ინკლუზიურობა, მმართველობა, გენდერული თანასწორობა და ცოდნაზე დამყარებული გადაწყვეტილებების მიღება.
მიმდინარე წლის დასაწყისში, ADB-მ დაამტკიცა 75 მილიონი აშშ დოლარის ოდენობის პროგრამა საქართველოს მთავრობის მიერ განხორციელებული რესურსების ათვისების რეფორმების ხელშეწყობის მიზნით, ასევე პირველად გამოუშვა ლარში დენომინირებული ობლიგაციები რის შედეგადაც მოიზიდა 100 მილიონი ლარი კაპიტალის ბაზრისა და მცირე ბიზნესის ხელშესაწყობად. საქართველო ADB-ის წევრი 2007 წლიდან გახდა და 2014 წლის 31 დეკემბრის მდგომარეობით აზიის განვითარების ბანკის მიერ საქართველოსთვის დამტკიცებულმა სესხებმა 1.6 მილიარდ აშშ დოლარს გადააჭარბა. ქვეყანასთან თანამშრომლობის მიმდინარე სტრატეგიის ფარგლებში გამოყოფილი დაფინანსების სავარაუდო მოცულობა 1 მილიარდ აშშ დოლარს შეადგენს.
აღნიშნულ პოზიციაზე დანიშვნამდე, ელჰან-კაიალარი ADB-ს საჯარო მართვის პორტფელს ხელმძღვანელობდა ცენტრალური და დასავლეთ აზიის 10 ქვეყანაში. მას გააჩნია მსოფლიოს 25 ქვეყანაში განვითარების სააგენტოებში, კერძო სექტორსა და უმაღლეს სასწავლო დაწესებულებებში მუშაობის 25 წლის გამოცდილება. ელჰან-კაიალარი არის კალიფორნიის უნივერსიტეტის ეკონომიკის მეცნიერებათა დოქტორი და გააჩნია ჰარვარდისა და მიჩიგანის უნივერსიტეტების კვალიფიკაცია ფინანსებისა და მართვის სფეროში. იგი ასწავლიდა და გამოქვეყნებული აქვს ნაშრომები ეკონომიკისა და ფინანსების დარგში და ასევე კვლევები ქცევაზე დაფუძნებული ფინანსებისა და კონკურენციის პოლიტიკის საკითხებში.
აზიის განვითარების ბანკი, რომლის სათავო ოფისი მანილაში, ფილიპინებზე მდებარეობს, მიზნად ისახავს აზიისა და წყნარი ოკეანის რეგიონში სიღარიბის დონის შემცირებას ეკონომიკური ზრდის, გარემოსდაცვითი ღონისძიებების და რეგიონული ინტეგრაციის გზით. დაარსდა რა 1966 წელს, ბანკი აერთიანებს 67 წევრ ქვეყანას, საიდანაც 48 აღნიშნულ რეგიონს წარმოადგენს. 2014 წლის მდგომარეობით აზიის განვითარების ბანკის დახმარებამ 22.9 მილიარდი აშშ დოლარი შეადგინა, 9.2 მილიარდი აშშ დოლარი თანადაფინანსების ჩათვლით.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა