ავღანეთში აფეთქების შედეგად ოთხი მცირეწლოვანი დაიღუპა

სულ მცირე ოთხი ბავშვი დაიღუპა და ორი დაიჭრა ავღანეთის ქალაქ ფარახში მომხდარი აფეთქების შედეგად. ამის შესახებ ინფორმაციას ადგილობრივი მედია ავრცელებს. ინციდენტთან დაკავშირებით სხვა დეტალები ამ დროისათვის უცნობია.

ავღანეთში სიტუაცია უკანასკნელი თვეების განმავლობაში ძალიან გაუარესდა. რადიკალურმა მოძრაობა ”თალიბანმა”, რომელმაც სოფლების უმეტესობაზე კონტროლი დაამყარა, მასშტაბური იერიში დაიწყო მსხვილი ქალაქების დასაკავებლად. ქვეყნის ტერიტორიაზე ასევე გაიზარდა ”ისლამური სახელწმიფოს” გავლენაც.

”თალიბანი” და ”ისლამური სახელმწიფო” კონკურენტ დაჯგუფებებად არის მიჩნეული. ავღანეთის ტერიტორიაზე ამ დაჯგუფებებს შორის შეტაკებები დღემდე გრძელდება.