საქართველოს პრეზიდენტი 1921 წლის კონსტიტუციის 95 წლისთავისადმი მიძღვნილ მიღებას დაესწრო
საქართველო, თბილისი - 10:46 | 22.02.2016 ნანახია: 1697საქართველოს პრეზიდენტი 1921 წლის კონსტიტუციის 95 წლისთავისადმი მიძღვნილ მიღებას დაესწრო
გიორგი მარგველაშვილი: თუკი ლაპარაკია ქართული ტრადიციების დაცვაზე, დაიცვან ქართული ტრადიცია, როგორც 1921 წლის კონსტიტუცია, დაიცვან ქართული ტრადიცია, როგორც ილია ჭავჭავაძის სწრაფვა ევროპისაკენ და როგორც სულხან-საბას დიპლომატია. საქართველოს დემოკრატიული რესპუბლიკის 1921 წლის კონსტიტუციის 95 წლისთავისადმი მიძღვნილი მიღება თბილისის მოსწავლე-ახალგაზრდობის სასახლეში გაიმართა. ღონისძიება საქართველოს პრეზიდენტმა გიორგი მარგველაშვილმა და საკონსტიტუციო სასამართლოს თავმჯდომარემ გიორგი პაპუაშვილმა გახსნეს და შეკრებილ სტუმრებს სიტყვით მიმართეს. მიღებაზე დამსწრე საზოგადოებას ასევე მიესალმა საქართველოს დემოკრატიული რესპუბლიკის მთავრობის თავმჯდომარის, ნოე ჟორდანიას შვილიშვილი და ლევილის „ქართული კერის" მმართველი ირენ ციციშვილი.
გიორგი მარგველაშვილმა მოწვეულ სტუმრებს 1921 წლის კონსტიტუციის 95 წლის იუბილე მიულოცა და საქართველოს სახელმწიფოებრიობისათვის ამ დღის მნიშვნელობაზე ისაუბრა: „ 95 წლის წინ, ჩვენი წინაპრები აქ, ამ დარბაზში, სახელმწიფოს მმართველობის, ერისა და ქვეყნის განვითარების უმნიშვნელოვანეს პრინციპს ქმნიდნენ და ადგენდნენ. ეს არის დაწერილი პრინციპი – კონსტიტუცია. მაშინ, როდესაც ჩვენი წინაპრები საქართველოს კონსტიტუციას ადგენდნენ, რომელზეც ბატონი საკონსტიტუციო სასამართლოს თავმჯდომარე მოგვახსენებდა, ერთერთს ყველაზე პროგრესულს და ევროპულს მაშინ - კონსტიტუციას, რომლის შინაარსში პრინციპული და დომინანტურია ადამიანის უფლებები, არის ხელისუფლების დაყოფა, არის უმცირესობების უფლებები, როდესაც ისინი ამ კონსტიტუციას წერდნენ აქვე, გვერდით, შულავერში, იყვნენ ადამიანები, რომლებიც ფიქრობდნენ და ემზადებოდნენ იმისთვის, რომ დამოუკიდებელი ქართული სახელმწიფო დაენგრიათ და გაენადგურებინათ. მაშინ მოტივაცია ძალიან ნათელი იყო – საქართველო, როგორც დამოუკიდებელი, უნიკალური, ძალიან სპეციფიკური კულტურით, თავისი ღრმა ისტორიული წარსულით, რომ უნდა გამხდარიყო ევროპული ოჯახის წევრი. იყო სხვა ტენდენცია, რომ ეს ყველაფერი გადახარშულიყო ერთიან, დიდ პროლეტარიატის ცეცხლში და დაგვეკარგა ჩვენი იდენტობა, ჩვენი თვითმყოფადობა, ჩვენი სახელწიფოებრიობა. რა თქმა უნდა, ეს ასე არ მოხდა და ჩვენ შევინარჩუნეთ ჩვენი ქვეყანა ისე, როგორც ამას ყოველთვის ვაკეთებდით. რა თქმა უნდა, როდესაც ხელახლა ქართული სახელმწიფო გახდა დამოუკიდებელი და, როდესაც 1995 წელს ჩვენ ხელახლა მივიღეთ კონსტიტუცია, ჩვენ ამ მოტივაციით, ჩვენი წარსულისა და ტრადიციის გაგრძელებით, მივიღეთ ახალი უზენაესი კანონი, რადგან ეს არის ჩვენი ტრადიცია და ეს არის ჩვენი წარსული. ჩვენი წარსულია საქართველოს დამოუკიდებლობა და ის მომენტი, როცა ჩვენ ნათლად დავინახეთ, რომ ევროპული კულტურის სახელმწიფო ვართ. ჩვენი წარსულია სულხან-საბა, ჩვენი წარსულია დავით აღმაშენებელი, ვაჟა-ფშაველა და ილია ჭავჭავაძე. მოვუწოდებ ყველას, რომ ძალიან ფართოდ გაახილონ თვალები და თვალი ამ წარსულს გაუსწორონ. მზერა გაუსწორონ წარსულს, რომელიც ნათლად არის ორიენტირებული ევროპაზე, ევროპულ ღირებულებებზე და თუკი საუბარია ქართული ტრადიციებისა და ქართველობის დაცვაზე, სწორედ აქ დაიცვან საქართველო – დაიცვან ქართული ტრადიცია, როგორც 1921 წლის კონსტიტუცია, დაიცვან ქართული ტრადიცია, როგორც ილია ჭავჭავაძის სწრაფვა ევროპისაკენ, დაიცვან ქართული ტრადიცია, როგორც სულხან საბას დიპლომატია, თუ ვინმეს სურს საქართველოს დაცვა. დღეს ჩვენ აქ ვდგავართ და ვზეიმობთ ჩვენს წარსულს, ასევე ვზეიმობთ ჩვენს მომავალს, რომლის ერთი იოტითაც შეცვლა შეუძლებელია და, რომელიც ძალიან ნათლად არის ორიენტირებული ადამიანის უფლებებზე, უმცირესობების უფლებებზე, საკონსტიტუციო პროცესზე, ხელისუფლების დანაწილებაზე და სამართლებრივ სახელმწიფოზე,"- განაცხადა საქართველოს პრეზიდენტმა.
1921 წლის კონსტიტუციის 95 წლისთავისადმი მიძღვნილ მიღებას საქართველოს პრეზიდენტის ადმინისტრაციის უფროსი, ეროვნული უშიშროების საბჭოს მდივანი, მთავრობის, პარლამენტის, დიპლომატიური კორპუსის, პრეზიდენტის ადმინისტრაციის და აკადემიური წრეების წარმომადგენლები დაესწრნენ.
პოლიტიკა
- პუტინიზმი ცდილობს ბუდე დაიდოს თქვენს სახლში თქვენივე მთავრობის ინიციატივით, ქართველებო, გაუფრთხილდით თავისუფლებას - ბორის აკუნინი
- ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი, ახლაც დამარცხდება - ეკა ხერხეულიძე
- ერთ მუშტს მოიქნევთ, ათი მოგხვდებათ, ამ ლაჩრობას არავინ არავის შეარჩენს - დავით მათიკაშვილი
- არ ვიცი, ვისი დაკვეთა იყო, მაგრამ ფაქტია, იყო წინასწარ დაგეგმილი აქტი - შალვა პაპუაშვილი მამუკა მდინარაძეზე თავდასხმაზე
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
- ელექტრომობილების გაყიდვები საქართველოში 37%-ით გაიზარდა - Tegeta Cars ბაზრის მთავარი მოთამაშეა
- 93%-ით გაზრდილი გაყიდვები და სამომავლო გეგმები – „ვოლვო ქარ კავკასია” 2024 წლის I კვარტალს აჯამებს
- სრულად ელექტრო Volvo EX30 პრესტიჟული ჯილდოს World Car Awards 2024-ის გამარჯვებულია
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა