აქციზური მარკის გარეშე შენახვა - რეალიზაციის ფაქტზე, მოქალაქეები დააკავეს

საქართველოს ფინანსთა სამინისტროს საგამოძიებოსამსახურმა, გატარებული ოპერატიულ - სამძებრო და საგამოძიებო მოქმედებების შედეგად, აქციზური მარკის სავალდებულო დართვას დაქვემდებარებული საქონლის, აქციზური მარკის გარეშე შენახვა   - რეალიზაციის ფაქტზე, მოქალაქეები ვლადიმერ სააკოვი, ელბრუს ოგანესიანი, ნიკოლოზ გულუაშვილი და არამ ხალიფიანი დააკავა. 

გამოძიებით დადგინდა, რომ ბრალდებულებმა,  საქართველოს ტერიტორიაზე უკანონოდ განახორციელეს დიდი ოდენობით აქციზური მარკის სავალდებულო დართვას დაქვემდებარებული, ძვირადღირებული სომხური წარმოების კონიაკის რეალიზაცია.

ბრალდებულები დაკავებულები არიან   საქართველოს სისხლის სამართლის კოდექსის მე-200 - ე მუხლის მე - 2 ნაწილის “გ“ პუნქტით და ამავე მუხლის „3“-ე ნაწილით, რაც სასჯელის სახით,  6 - დან 8 წლამდე პატიმრობას ითვალისწინებს.