დავით ნარმანია ლადო გუდიაშვილის სახელობის მოედნისა და მიმდებარე არეალის კონსერვაციის გეგმის პრეზენტაციას დაესწრო
საქართველო, თბილისი - 17:25 | 12.01.2016 ნანახია: 1687საქართველოს ეროვნულ ბიბლიოთეკაში ლადო გუდიაშვილის მოედნისა და მისი მიმდებარე არეალის კონსერვაციის გეგმის პროექტის პრეზენტაცია გაიმართა.
ღონისძიებას თბილისის მერი დავით ნარმანია, ვიცე-მერ ლაშა აბაშიძესთან, თბილისის განვითარების ფონდის დირექტორ გიორგი ბაიდარაშვილთან და საკრებულოს თავმჯდომარე გიორგი ალიბეგაშვილთან ერთად დაესწრო და დამსწრე საზოგადოებას სიტყვით მიმართა.
თბილისის მერის დავით ნარმანიას განცხადებით, აღნიშნული პროექტი განსაკუთრებით მნიშვნელოვანია, რათა მოედნისა და მიმდებარე ტერიტორიაზე არსებული კულტურული მემკვიდრეობის ძეგლების აღდგენა და რეაბილიტაცია შესაბამისი ავთენტურობის დაცვით განხორციელდეს.
„ჩემი წინასაარჩევნო დაპირება იყო, რომ პირველ ეტაპზე შევისწავლიდით არეალს, მომზადდებოდა კონსერვაციის გეგმა და მხოლოდ ამის შემდეგ დავიწყებდით შესაბამის აღდგენით სამუშაოებს. პარალელურ რეჟიმში, ჩვენ რამდენიმე სახლი, სადაც მკვეთრად ავარიული მდგომარეობა იყო დროებით გავამაგრეთ და ასევე, ვმუშაობთ წყლის მოცილების პროექტზე, რათა წინამოსამზადებელი სამუშაოები შევასრულოთ და ამის შემდეგ დავიწყოთ პროექტების განხორციელება”,- განაცხადა დავით ნარმანიამ.
კონსერვაციის გეგმაზე მუშაობა 2015 წლის მარტში დაიწყო და ის თბილისის განვითარების ფონდის დაკვეთით , “icomos საქართველოს”-ის კავშირის მიერ მომზადდა. გეგმა აღნიშნული არეალის რეაბილიტაციის ჩარჩო-სარეკომენდაციო დოკუმენტს წარმოადგენს.
პროექტი ისტორიულ უბანში მდებარე თითოეული შენობისა და მიმდებარე ტერიტორიის ისტორიულ-კულტურულ, გეოლოგიურ, ურბანულ კვლევას მოიცავს. კონსერვაციის გეგმის მიხედვით, გუდიაშვილის მოედნის სრული რეაბილიტაცია განხორციელდება. გეგმის წარდგენის შემდეგ პროექტის შესახებ დისკუსიაც გაიმართა.
თბილისის განვითარების ფონდმა 2015 წლის ბოლოს ლადო გუდიაშვილის მოედნისა და მისი მიმდებარე არეალის პირველი ეტაპის სარეაბილიტაციო სამუშაოები უკვე დაიწყო. ამჟამად, მიმდინარეობს მძიმე ავარიულ მდგომარეობაში მყოფი ისტორიული სახლების დროებითი გამაგრებები, რათა გუდიაშვილის მოედანზე განხორციელდეს წყალკანალიზაციის, სანიაღვრე სისტემებისა და მიწისქვეშა წყლების მოცილების პროექტი.
ამასთანავე, ფონდმა გამოაცხადა კონკურსი გუდიაშვილის მოედნის არეალში ყველაზე მძიმე ავარიული შენობების სარეაბილიტაციო პროექტების შექმნაზე, სადაც გამარჯვებული რამდენიმე დღეში გამოვლინდება და დაიწყება პროექტირებაზე მუშაობა. პროექტირების დასრულების შემდეგ კი, ეტაპობრივად მოხდება თითოეული შენობის კონსერვაცია.
მნიშვნელოვანია, რომ გუდიაშვილის რეაბილიტაცია ხორციელდება მერიის, თბილისის განვითარების ფონდის და ‘’ icomos-საქართველოს’’ მონაწილეობით. ამ მხარეების მჭიდრო თანამშრომლობით და ფიზიკური სამუშაოების სწორი კოორდინაციით და მონიტორინგით, ქალაქს შეუნარჩუნდება ერთ-ერთი ყველაზე უძველესი, ისტორიულ-კულტურული და შემდგომში ტურისტული თვალსაზრისით ძალიან საინტერესო უბანი - გუდიაშვილის მოედანი.
ღონისძიებას არქიტექტორები, ურბანისტები და ხელოვნებათმცოდნეები ესწრებოდნენ. ეროვნულ ბიბლიოთეკაში ასევე წარმოდგენილი იყო ლადო გუდიაშვილის მოედნისა და მის გარშემო ისტორიული ძეგლების ფოტო-გამოფენა.
პოლიტიკა
- პუტინიზმი ცდილობს ბუდე დაიდოს თქვენს სახლში თქვენივე მთავრობის ინიციატივით, ქართველებო, გაუფრთხილდით თავისუფლებას - ბორის აკუნინი
- ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი, ახლაც დამარცხდება - ეკა ხერხეულიძე
- ერთ მუშტს მოიქნევთ, ათი მოგხვდებათ, ამ ლაჩრობას არავინ არავის შეარჩენს - დავით მათიკაშვილი
- არ ვიცი, ვისი დაკვეთა იყო, მაგრამ ფაქტია, იყო წინასწარ დაგეგმილი აქტი - შალვა პაპუაშვილი მამუკა მდინარაძეზე თავდასხმაზე
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
- ელექტრომობილების გაყიდვები საქართველოში 37%-ით გაიზარდა - Tegeta Cars ბაზრის მთავარი მოთამაშეა
- 93%-ით გაზრდილი გაყიდვები და სამომავლო გეგმები – „ვოლვო ქარ კავკასია” 2024 წლის I კვარტალს აჯამებს
- სრულად ელექტრო Volvo EX30 პრესტიჟული ჯილდოს World Car Awards 2024-ის გამარჯვებულია
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა