გრძელვადიანი პერიოდისთვის მთავრობის სტრატეგიას ფისკალური მდგომარეობის გაუმჯობესება წარმოადგენს

გრძელვადიანი პერიოდისთვის მთავრობის სტრატეგიაა ფისკალური მდგომარეობის გაუმჯობესება, რაც უზრუნველყოფს ეკონომიკური ზრდის მაღალი ტემპის შენარჩუნებას და მაკროეკონომიკურ სტაბილურობას. როგორც დოკუმენტში “ქვეყნის ძირითადი მონაცემები და მიმართულებები 2016-2019 წლებისათვის“ აღნიშნულია, 2016-2019 წლებისთვის ფისკალური პოლიტიკის ამოცანებს წარმოადგენს:

• სახსრების მიმართვა ისეთ პრიორიტეტულ მიმართულებებზე, როგორიცაა საპენსიო უზრუნველყოფა, სოციალური სფერო, ჯანდაცვა განათლება, სოფლის მეურნეობა, ინვესტიციები ინფრასტრუქტურის განვითარებისათვისა და მოსახლეობის დასაქმებისათვის;
• ბიუჯეტის დეფიციტის ნიშნულის ისეთი მოცულობის ფარგლებში შენარჩუნება, რომელიც ხელს შეუწყობს ქვეყნის ეკონომიკურ სტაბილურობას;
• სახელმწიფო ფინანსების მართვის შემდგომი სრულყოფა.