ნიუ იორკში კომენდანტის საათი გაუქმდა

საქართველო, თბილისი - 17:49 | 07.06.2020
ნანახია: 759

ნიუ იორკში კომენდანტის საათი გაუქმდა, რადგან შაბათს საპროტესტო აქციები მშვიდობიან ხასიათს ატარებდა.  ამის შესახებ ნიუ იორკის მერმა ბილ დე ბლაზიომ განაცხადა.

 „ვაუქმებთ კომენდანტის საათს ამ წუთიდან. გუშინ და გასულ ღამეს ჩვენი ქალაქის მცხოვრებლებმა თავიანთი თავი საუკეთესო სახით წარმოაჩინეს. ხვალ გადავდგამთ პირველ ნაბიჯებს გახსნისკენ“, - დაწერა მერმა მიკრობლოგ Twitter-ზე.

მანამდე ნიუ იორკის შტატის გუბერნატორმა ენდრიუ კუომომ განაცხადა, რომ ქალაქის ხელისუფლება შეზღუდვებს 8 ივნისიდან მოხსნიდა, რომელიც კორონავირუსის პანდემიის გამო დაწესდა. 8 ივნისიდან მუშაობას განაახლებენ საბითუმო და საცალო ვაჭრობის ცენტრები. კაფე-რესტორნები მუშაობას გამოძახების სერვისის მეშვეობით გააგრძელებენ. ამის გარდა, მომავალი ორშაბათიდან ქალაქში განახლდება მშენებლობა, გაიხსნება კომპანიები, რომლებიც სოფლის მეურნეობით, მეთევზეობითა და ნადირობით არიან დაკავებულნი. სამუშაო ადგილებს დაუბრუნდება 400 ათასამდე ადამიანი.

თავიდან ნიუ იორკის შტატში კორონავირუსთან დაკავშირებით, სხვა შტატებთან შედარებით მძიმე სიტუაცია იყო. ყველაზე ცუდ დღეებში ერთ დღე-ღამეში დაახლოებით 700-ზე მეტი ადამიანი იღუპებოდა, კლინიკებში კი 3 ათასზე მეტი ინფიცირებული გადაჰყავდათ.

ბოლო დღეებში ვითრება გაართულა საპროტესტო აქციებმა, რომელიც მინეაპოლისში აფროამერიკელ ჯორჯ ფლოიდის გარდაცვალებას მოჰყვა.

დაკავების კადრებში, ჩანს, რომ მიწაზე დაგდებულ ჯორჯ ფლოიდს პოლიციელი კისერზე მუხლს აჭერს, მიუხედავად იმისა, რომ დაკავებული შველას ითხოვს და ამბობს, რომ სუნთქვა უჭირს. მოგვიანებით ფლოიდი საავადმყოფოში გარდაიცვალა.

"ამერიკის ხმის" ცნობით, შოვინის წინააღმდეგ სასამართლოში შეტანილი საჩივრის თანახმად, ის ფლოიდს კისრის არეში მუხლით 8 წუთი და 42 წამი აწვებოდა.

30 მაისს აღნიშნულ საქმეზე დააკავეს პოლიციელი, დერეკ შოვინი, რომელსაც წინასწარი განზრახვის გარეშე მკვლელობის ბრალდება წარუდგინეს. აქციის მონაწილეები ითხოვენ, რომ პოლიციელს უფრო მძიმე მუხლი წაუყენონ, ასევე პასუხი აგონ პოლიციის სხვა ოფიცრებმაც, რომლებიც ფლოიდის დაკავებაში მონაწილეობდნენ.

 


პოლიტიკა



არქივი

მოგვძებნე Facebook-ზე