იუსტიციის სამინისტრო 2016 წელს პარლამენტს 20 საკანონმდებლო ცვლილებას წარუდგენს
საქართველო, თბილისი - 16:28 | 28.12.2015 ნანახია: 1629ნოტარიუსთა პალატის რეფორმის მეორე ტალღა, მოწმის დაკითხვის ახალი წესის იმპლემენტაცია, საკანონმდებლო პაკეტი ძალადობის წინააღმდეგ, საარჩევნო პერიოდში სპეცუბნების შექმნის ახალი წესი, ცვლილებები პოლიტიკურ პარტიათა რეგისტრაციის წესში, მიწის რეგისტრაციის ახალი კანონმდებლობა, ნაფიც მსაჯულთა სასამართლოს რეფორმა, ინფორმაციის თავისუფლების აქტი, ცვლილებები კანონში ქუჩაში მცხოვრები ბავშვების უფლებების დასაცავად − იუსტიციის სამინისტროს მიერ 2016 წელს განსახორციელებელი ამ და სხვა რეფორმების შესახებ თეა წულუკიანმა საქართველოს პარლამენტში ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროების; იურიდიულ საკითხთა და საპროცედურო საკითხთა და წესების კომიტეტების გაერთიანებულ სხდომაზე ისაუბრა.
თეა წულუკიანმა საკომიტეტო მოსმენაზე იუსტიციის სამინისტროს მიერ ბოლო დროს განხორციელებულ რეფორმებზე ისაუბრა. კერძოდ, ნოტარიუსთა სისტემის რეფორმის პირველ ტალღასა და მოწმის დაკითხვისა და გამოკითხვის წესზე: „ნოტარიუსთა რეფორმის შედეგად იმ რეგიონებში გაჩნდებიან ნოტარიუსები, სადაც ისინი არასოდეს ყოფილან და ხალხს უწევდა მოგზაურობა საათობით, ელემენტარულად, ხელმოწერის დამოწმებისთვის. ეს არის მთის რეგიონები და არა მხოლოდ“. მისი განცხადებით, რეფორმის მეორე ეტაპზე ახლებურად დარეგულირდება ნოტარიუსების დისციპლინური პასუხისმგებლობის საკითხები.
„ჩვენ მივაღწიეთ იმას, რომ რამდენიმე სამინისტრომ პირველად შემოვიტანეთ პრინციპი, რომ მოწმის გამოძიებაში დაკითხვის ინსტიტუტი გაუქმდა, მოწმის გამომძიებელთან გამოკითხვა გახდა ნებაყოფლობითი. 2016 წელს ჩვენ ვგეგმავთ ამ რეფორმის იმპლემენტაციას“, − განაცხადა მან.
თეა წულუკიანმა დეპუტატებს ის საკანონმდებლო ცვლილებები გააცნო, რომელთაც იუსტიციის სამინისტრო 2016 წელს განახორციელებს სხვადასხვა მიმართულებით:
„მზადაა სტამბულის კონვენციის თანმდევი ცვლილებათა პაკეტი, რომელიც ქალთა ძალადობისა და ოჯახში ძალადობის წინააღმდეგ მომზადდა. ცვლილება შეეხო 20 კანონს და არასამთავრობო სექტორთან ერთად შეჯერებულ ვერსიას. წარვადგენთ 2016 წელს სტამბულის კონვენციასთან ერთად რატიფიცირებისთვის“.
მან ისაუბრა, აგრეთვე, საკანონმდებლო ცვლილებათა პაკეტზე, რომელიც ახლებურად დაარეგულირებს სპეცუბნების ფუნქცონირების საკითხს არჩევნების პერიოდში:
„სრულდება თავისუფალი და სამართლიანი არჩევნებისთვის უწყებათაშორისი საბჭოს ფარგლებში სპეცუბნების შესახებ საკანონმდებლო ცვლილებათა პაკეტზე მუშაობა. სპეცუბნები მომავალ არჩევნებზე აღარ იქნება განხილვის თემა, რადგან კანონი ძალიან მკაფიოდ დაარეგულირებს პროცესს და მინიმუმამდე დაიყვანს სპეცუბნების შექმნის შესაძლებლობას“.
თეა წულუკიანის თქმით, ცვლილებები განხორციელდება პოლიტიკურ პარტიათა რეგისტრაციის წესშიც:
„მზადდება ცვლილებები „პოლიტიკური პარტიების რეგისტრაციის შესახებ“ კანონში, რათა პარტიათა რეგისტრაცია და ფუნქციონირება იყოს კიდევ უფრო გამჭვირვალე და მარტივი, და პარტიებს არ შეექმნათ არანაირი იმის მსგავსი პრობლემები, რომელთაც შეიძლება დღეს აწყდებოდნენ“.
თეა წულუკიანმა მიწის რეგისტრაციის კანონმდებლობაზეც ისაუბრა:
„მზადდება რეფორმა, რომელიც სრულად მოაწესრიგებს მიწის რეგისტრაციის საკითხებს. ეს რეფორმა, ერთი მხრივ, საკუთრების უფლების დაცვის და, მეორე მხრივ, ინფრასტრუქტურული პროექტების განხორციელებაში შეუწყობს ხელს“.
გაერთიანებული კომიტეტების სხდომას თეა წულუკიანმა ნაფიც მსაჯულთა სასამართლოს სისტემის რეფორმების პროექტიც წარუდგინა. მისი თქმით, „დასრულდა ნაფიც მსაჯულთა სისტემის რეფორმაზე მუშაობა; სისხლის სამართლის კოდექსის გადასინჯვის პროექტი; მზადდება ცვლილებები „საკონსტიტუციო სასამართლოს შესახებ“ არსებულ კანონებში“.
კიდევ ერთი მნიშნელოვანი საკითხი, რომელსაც თეა წულუკიანი შეეხო, ინფორმაციის თავისუფლების აქტი იყო: „მზადდება და 2016 წელს პარლამენტს წარედგინება ინფორმაციის თავისუფლების აქტი, რომელსაც უკვე გაეცნენ არასამთავრობო ორგანიზაციები და მოგვაწოდეს შენიშვნები“.
მან ისაუბრა მიმდინარე სამუშაოებზე დამოუკიდებელი საგამოძიებო მექანიზმების შესაქმნელად ძალოვან უწყებებში არასათანადო მოპყრობის დადანაშაულების ეფექტური გამოძიებისათვის:
„სისხლის სამართლის უწყებათაშორისი საბჭოს ფარგლებში მიმდინარეობს მსჯელობა ე.წ. მოწამლული ხილის პრინციპის დანერგვაზე. ჩვენ ვმსჯელობთ, რა ხდება მაშინ, თუკი განსასჯელის სკამზე მყოფი ადამიანი სასამართლო დარბაზში ამბობს, რომ მისგან იძულებით (არასათანადო მოპყრობის გზით) მიიღეს ჩვენება. საკმარისია თუ არა, მოსამართლემ სთხოვოს პროკურატურას საკითხის შესწავლა, როგორც ახლა ხდება, თუ საჭიროა უფრო მეტი. გარდა ამისა, მიმდინარეობს მუშაობა დამოუკიდებელი საგამოძიებო მექანიზმის შექმნის შესახებ, რომელიც ძალოვან უწყებებში არასათანადო მოპყრობის დადანაშაულების გამოძიებას შეეხება“.
იუსტიციის სამინისტრომ შეიმუშავა ქუჩაში მცხოვრები და მომუშავე ბავშვების უფლებების დაცვის საკანონმდებლო ცვლილებათა პაკეტი. თეა წულუკიანის თქმით, „დასრულდა ქუჩაში მცხოვრები და მომუშავე ბავშვების უფლებების დაცვის მიზნით შემუშავებული საკანონმდებლო ცვლილებათა პაკეტი. პაკეტი მოიცავს ყველა მიმართულებას: იუსტიციას (დოკუმენტებისა და ბავშვთა იდენტიფიკაციის ნაწილში შეგვაქვს მთელი რიგი ცვლილებებისა), ჯანდაცვას, სასამართლოსა და პოლიციას. ნაძალადევში, იუსტიციის სამინისტროს დანაშაულის პრევენციის ცენტრის მედიაციის სახლში, 15 ასეთ ბავშვთან დამეგობრება და, შესაბამისად, მათი დახმარება მოვახერხეთ, თუმცა, ეს საკმარისი არაა და ამიტომ შემოვიტანთ ცვლილებათა პაკეტს“.
პოლიტიკა
- პუტინიზმი ცდილობს ბუდე დაიდოს თქვენს სახლში თქვენივე მთავრობის ინიციატივით, ქართველებო, გაუფრთხილდით თავისუფლებას - ბორის აკუნინი
- ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი, ახლაც დამარცხდება - ეკა ხერხეულიძე
- ერთ მუშტს მოიქნევთ, ათი მოგხვდებათ, ამ ლაჩრობას არავინ არავის შეარჩენს - დავით მათიკაშვილი
- არ ვიცი, ვისი დაკვეთა იყო, მაგრამ ფაქტია, იყო წინასწარ დაგეგმილი აქტი - შალვა პაპუაშვილი მამუკა მდინარაძეზე თავდასხმაზე
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
- ელექტრომობილების გაყიდვები საქართველოში 37%-ით გაიზარდა - Tegeta Cars ბაზრის მთავარი მოთამაშეა
- 93%-ით გაზრდილი გაყიდვები და სამომავლო გეგმები – „ვოლვო ქარ კავკასია” 2024 წლის I კვარტალს აჯამებს
- სრულად ელექტრო Volvo EX30 პრესტიჟული ჯილდოს World Car Awards 2024-ის გამარჯვებულია
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა