ქარიშხალ „დორიანს“ ბაჰამის კუნძულებზე 5 ადამიანი ემსხვერპლა

ბაჰამის კუნძულებზე ქარიშხალ „დორიანს“ ხუთი ადამიანი ემსხვერპლა. ამის შესახებ The New York Times-ი იუწყება.

სტიქია ბაჰამის ჩრდილოეთით კუნძულ აბაკოს სანაპიროს თავს კვირას დაატყდა. თვითმხილველები ამბობენ, რომ მსხვერპლთა რაოდენობა გაცილებით მეტია.

ქარიშხალმა დიდი ზიანი მიაყენა აბაკოს ინფრასტრუქტურას. ორგანიზაცია წითელი ჯვრისა და წითელი ნახევარმთვარის ინფორმაციით, დანგრეულია 13 ათასი სახლი.

ფლორიდაში, ჯორჯიაში, სამხრეთ და ჩრდილოეთ კაროლინას შტატებში ხელისუფლებამ საგანგებო მდგომარეობა გამოაცხადა. სანაპირო ოლქებიდან გამოცხადებულია ევაკუაციაც.