მექსიკაში კიდევ ერთი ჟურნალისტი მოკლეს

მექსიკის ტაბასკოს შტატში ჟურნალისტი ნორმა სარაბია მოკლეს. დანაშაული მისი სახლის სიახლოვეს მოხდა.

გაზეთ Milenio-ს ცნობით, ჟურნალისტს ორი შეიარაღებული მამაკაცი დაესხა თავს.

მოკლული ჟურნალისტი ბოლო რამდენიმე წლის განმავლობაში რეგიონალურ გაზეთ Tabasco Hoy-ში მუშაობდა.

ადამიანის უფლებათ დაცვის ნაციონალური კომისიის მონაცემებით, მექსიკაში 2000 წლის შემდეგ 145 ჟურნალისტია მოკლული. 2018 წელს ცხრა ჟურნალისტი მოკლეს.

მექსიკის პროკურატურის ცნობით, ჟურნალისტების წინააღმდეგ ჩადენილი დანაშულის 99 პროცენტი დაუსჯელი რჩება.