მეორე მსოფლიო ომის დროს ჩაძირული ლეგენდარული ავიამზიდი „ჰორნეტი“ ოკეანის ფსკერზე იპოვეს (ფოტო)

მკვლევარებმა ოკეანის ფსკერზე მეორე მსოფლიო ომის დროს ჩაძირული ამერიკული სამხედრო ავიამზიდი „ჰორნეტი“ აღმოაჩინეს.

ავიამზიდი 5 კმ-ის სიღრმეში სოლომონის კუნძულების სიახლოვეს იპოვეს. ღრმაწყლოვანმა უპილოტო აპარატმა გემის ფოტოსურათები გადაიღო. ფოტოებზე ჩანს გემის გვერდით თვითმფრინავი, რომელიც ხომალდის ჩაძირვის დროს გემბანზე იმყოფებოდა.

 „ჰორნეტი“Microsoft-ის თანადამფუძნებლის პოლ ელენის გემმა „პეტრელმა“ აღმოაჩინა.

 „ჰორნეტი“ სანტა-კრუსის კუნძულთან იაპონელების მასირებული დაბომბვის შედეგად, 1942 წლის ოქტომბერში დაიღუპა.