ავტოსაგზაო შემთხვევის შედეგად დაშავებული სამხედროების ჯანმრთელობის მდგომარეობა სტაბილურია

ავტოსაგზაო შემთხვევის შედეგად დაშავებული ცხრა სამხედროს ჯანმრთელობის მდგომარეობა სტაბილურია.

ისინი ამ დრომდე ქუთაისის სამედიცინო დაწესებულებაში რჩებიან.

დაშავებულები თავდაცვის მინისტრის მოადგილე ზაალ კაპანაძემ მოინახულა. 

ცნობისთვის, გუშინ, ქუთაისი-ხონის დამაკავშირებელ გზაზე მიკროავტობუსი, რომელსაც სამხედროები გადაჰყავდა, მსუბუქ ავტომობილს შეეჯახა და გადაბრუნდა.

არსებული ინფორმაციით, მსუბუქი ავტომობილი სავალ გზაზე გადავიდა, რის გამოც მიკროავტობუსმა მკვეთრად დაამუხრუჭა.