„თბილისის ღამის ეკონომიკის საერთაშორისო ფორუმი“ გაიხსნა
საქართველო, თბილისი - 14:24 | 30.11.2018 ნანახია: 1071დედაქალაქის მერმა კახა კალაძემ „თბილისის ღამის ეკონომიკის საერთაშორისო ფორუმი“ გახსნა, რომელიც თბილისის მერიის ღამის ეკონომიკის განვითარების პროექტის ორგანიზებით, 30 ნოემბერს და პირველ დეკემბერს იმართება.
ღამის ეკონომიკის პირველი საერთაშორისო ფორუმის ფარგლებში, დედაქალაქს ღამის მერები და ურბანული განვითარების, კულტურის მენეჯმენტის შესაბამისი ექსპერტები ცხრა ქვეყნიდან სტუმრობენ.
თბილისის მერმა ფორუმის ორგანიზატორებს, მომხსენებლებსა და სტუმრებს მადლობა გადაუხადა და სიტყვით გამოსვლისას ყურადღება ღამის ეკონომიკის განვითარების მიმართულებით დაგეგმილ პროექტებზე გაამახვილა.
„ღონისძიება ღამის მდგრადი ეკონომიკის განვითარების მიმართულებით, ურბანული დაგეგმარებისა და მართვის სწორი ფორმის შემუშავებას ისახავს მიზნად, რაშიც შესაბამისი ექსპერტები მიიღებენ მონაწილეობას. ფორუმის მთავარი მიზანი ღამის ეკონომიკის კონცეფციის განსაზღვრა, ქალაქში აუთვისებელი სივრცეების გააქტიურების გზების მოძიება, ადგილობრივი კულტურული ცხოვრების ხელშეწყობა, ქალაქის კულტურულ ცხოვრებაში ვიზიტორების ჩართვა და ღამის თბილისის იმიჯის გაუმჯობესებაა. გარდა ამისა, ღონისძიება მნიშვნელოვან პლატფორმას წარმოადგენს ღამის ცხოვრებასთან დაკავშირებულ სხვადასხვა საკითხზე, რომელთა შორის, წარმატებული მაგალითების განმსაზღვრელი ფაქტორების დადგენა, ინფრასტრუქტურისა და ღამის ტრანსპორტის განვითარება განიხილება. ამ მიმართულებით ჩვენ კონკრეტული ნაბიჯები უკვე გადავდგით, თუმცა ეს საკმარისი არ არის“, - აღნიშნა კახა კალაძემ.
დედაქალაქის მერმა იმედი გამოთქვა, რომ „თბილისის ღამის ეკონომიკის საერთაშორისო ფორუმი“, როგორც ადგილობრივი ექსპერტებისთვის, ასევე, უცხოელი სტუმრებისთვის საინტერესო და პროდუქტიული ღონისძიება იქნება.
„საქართველო პატარა ქვეყანაა. ქართველები ცოტანი ვართ, თუმცა სტუმართმოყვარე ხალხი ვართ, დიდი გული და მრავალფეროვანი სამზარეულო გვაქვს, რომლითაც, ვფიქრობ, კმაყოფილი დარჩებით. ჩვენს დედაქალაქში შეგიძლიათ, ნახოთ ძველი თბილისი, ასევე, თუ როგორ ერწყმის ძველი და ახალი ერთმანეთს. გვაქვს ბევრი ისტორიული ძეგლი, რომლითაც თითოეული ჩვენგანი ამაყობს. ზოგადად, ვფიქრობ, რომ დღევანდელი დღე ღამის ეკონომიკის განვითარების თვალსაზრისით, წინგადადგმული ნაბიჯი იქნება. გვსურს, საუკეთესო ქალაქების მაგალითები გავიზიაროთ, სადაც აღნიშნული მიმართულება განვითარებულია და უკვე კონკრეტული ნაბიჯებია გადადგმული“, - განაცხადა თბილისის მერმა და ფორუმის მონაწილეებს წარმატება უსურვა.
„თბილისის ღამის ეკონომიკის საერთაშორისო ფორუმის“ მიზანი სხვადასხვა სფეროს წარმომადგენლების მონაწილეობით, ქალაქის დაგეგმარებისა და სწორი მენეჯმენტის საკითხებზე ფართო დიალოგის შექმნა და სტრატეგიის შემუშავება, ადგილობრივი კულტურის პოპულარიზაცია, სხვადასხვა სფეროში დასაქმებული ადამიანების ქალაქის კულტურულ ცხოვრებაში ჩართვა, უსაფრთხო გარემოს შექმნა და თბილისის განსხვავებული კუთხით წარდგენა, ასევე, ქალაქში აქამდე უცნობი ადგილების გამოცოცხლებისა და გააქტიურებისთვის სხვადასხვა გზების მოძიებაა.
ფორუმის ფარგლებში, ძირითადი განსახილველი საკითხები ქალაქგეგმარებასა და მართვას შეეხება. ღონისძიების მონაწილეები უკეთესი ურბანული, მდგრადი და ხელსაყრელი გეგმის შემუშავებისთვის მენეჯმენტისა და დაგეგმარების სხვადასხვა მეთოდოლოგიებს განიხილავენ. ადგილობრივი და საერთაშორისო სპიკერები კი, სხვადასხვა სფეროს პროფესიონალებთან და ექსპერტებთან ერთად, სტუმრებს თავიანთ სფეროში მიღებულ გამოცდილებას გაუზიარებენ.
ღამის ეკონომიკის საერთაშორისო ფორუმის ფარგლებში, ასევე, პირველად ტარდება ფესტივალი - Newon, რომელიც ქართველი არტისტებისა და მათი ნამუშევრების წარმოჩენაზე იქნება ორიენტირებული. ფესტივალის ლოკაცია ახლადაღდგენილი ინდუსტრიული არტ ჰაბი ELEKTROWERK-ია.
პოლიტიკა
- კრიმინალები გვარამია და მელია უცხოეთიდან ჩარევის შედეგად არიან გარეთ, კინო წინ არის, ისინი იქნებიან იმ დავალების შემსრულებლები, რასაც ჰქვია ქვეყანაში სიტუაციის არევა - პაპუაშვილი
- გუშინ, შვიდკაციანი კოლონა რომ მოდიოდა, იქაც კი დაჩაგრეს ხაბეიშვილი, რა ვუშველო, არ ვიცი, არც იქანა უნდათ, არც აქანა მიიღეს, იქაც უკან მოჩანჩალებდა - ირაკლი ზარქუა
- ვერანაირი საპარლამენტო არჩევნები ვერ იქნება აღიარებული დემოკრატიულ არჩევნებად, თუ მიხეილ სააკაშვილი არ იქნება თავისუფალი და არ იქნება კამპანიაში ჩართული - პეტრე ცისკარიშვილი
- საქართველო მზად არის, დადებითი როლი შეასრულოს იმ პროცესებში, რომლებიც უკავშირდება ჩვენს რეგიონში მშვიდობისა და სტაბილურობის უზრუნველყოფას - ირაკლი კობახიძე
საზოგადოება
- საქართველოს ფოსტის ორგანიზებითა და თბილისის სახელმწიფო უნივერსიტეტის მხარდაჭერით, გაიმართა გამოფენა „ქართული განათლება, კულტურა და საფოსტო მარკები“
- თბილისის ერთ-ერთ სკოლაში წიწაკის სპრეი გაუშვეს, რამდენიმე მოსწავლე პრევენციის მიზნით კლინიკაში გადაიყვანეს
- ზრუნვის 1 საათი დედამიწას - „თეგეტა“ გარემოსდაცვით აქტივობას „დედამიწის საათს“ შეუერთდა
- 26 მარტიდან 27 მარტის დილამდე საქართველოში მოსალოდნელია წვიმა, მაღალმთაში ზოგან ძლიერი თოვა და ქარბუქი
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
- კიევზე სარაკეტო იერიში განხორციელდა
კონფლიქტები
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
- სახალხო დამცველის ინსტიტუტის მხრიდან, ამას შეფასება ვერ მოჰყვება, რადგან არ შედის იმ ტიპის საკითხებში, რომლებზეც ჩვენ ვაკეთებთ კომენტარს - ლევან იოსელიანი პრეზიდენტის იმპიჩმენტზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა