პენიტენციური სამსახურის განცახდებით მირზა სუბელიანის სიცოცხლეს საფრთხე არ ემუქრება

საქართველო, თბილისი - 15:15 | 16.10.2018
ნანახია: 801

სპეციალური პენიტენციური სამსახური ადასტურებს, რომ მირზა სუბელიანმა გუშინ თვითმკვლელობა სცადა.

როგორც გავრცელებულ განცხადებაში პენიტენციური სამსახური აღნიშნავს, სუბელიანის სიცოცხლეს საფრთხე არ ემუქრება.

"სპეციალური პენიტენციური სამსახური ადასტურებს, რომ გუშინ საღამოს, 2018 წლის 15 ოქტომბერს, ბრალდებულ მირზა სუბელიანის მხრიდან ადგილი ჰქონდა სუიციდის მცდელობას, რაც დროულად იქნა აღკვეთილი სასჯელაღსრულების დაწესებულების ადმინისტრაციის მიერ. 

გუშინ საღამოსვე, მოცემულ ფაქტზე საქართველოს იუსტიციის სამინისტროს საგამოძიებო დეპარტამენტმა დაიწყო გამოძიება საქართველოს სისხლის სამართლის კოდექსის 115-ე მუხლით.

ღამის განმავლობაში პატიმარს გაეწია შესაბამისი სამედიცინო დახმარება, ხოლო დღეს დილით მას კონსულტაცია გაუწიეს ფსიქოლოგმა და ფსიქიატრმა. 

ბრალდებული იყო და არის სულიერად აღელვებული, მაგრამ ის იმყოფება სამედიცინო პერსონალის ზედამხედველობის ქვეშ და მის სიცოცხლეს საფრთხე არ ემუქრება", - ნათქვამია განცხადებაში.




არქივი

მოგვძებნე Facebook-ზე