თურქეთის სასამართლომ ამერიკელი პასტორი გაათავისუფლა

საქართველო, თბილისი - 18:15 | 12.10.2018
ნანახია: 784

თურქეთის ქალაქ იზმირის სასამართლომ ამერიკელი პასტორი ენდრიუ ბრენსონი გაათავისუფლა.

ბრენსონმა სასამართლოზე განაცხადა, რომ უდანაშაულოა. „მე უდანაშაულო ვარ, მიყვარს თურქეთი და მინდა გამამრთლონ“.

ენდრიუ ბრენსონი თურქეთში 2016 წლის ოქტომბერში დააკავეს. თურქეთის ხელისუფლება მას ფეთჰულაჰ გიულენთან კავშირსა და 2016 წელს მომხდარ სამხედრო გადატრიალების მცდელობაში  მონაწილეობას ედავებოდა.

პასტორ ენდრიუ ბრენსონის დაკავების გამო, ანკარასა და ვაშინგტონს შორის ურთიერთობები უკიდურესად დაიძაბა. აშშ-მა თურქეთს პასტორის გათავისუფლების მოთხოვნით არაერთხელ მიმართა.

 

 


პოლიტიკა



არქივი

მოგვძებნე Facebook-ზე