ობამა პირობას დებს, რომ ამერიკა ტერორიზმს დაამარცხებს

აშშ-ის პრეზიდენტის ბარაკ ობამას თქმით, ამერიკა ტერორიზმთან ბრძოლას გააგრძელებს და იმის მიუხედავად რომ ის სერიოზულ საფრთხეს წარმოადგენს, საბოლოოდ მაინც დამარცხდება.

ობამას სპეციალურ ტელემიმართვაში ”ისლამურ სახელმწიფოსთან” წინააღმდეგ ბრძოლაში არსებითი ცვლილებების შესახებ არ უსაუბრია, თუმცა აღნიშნა, რომ კოალიციას სწორი სტრატეგია აქვს არჩეული და სირიაში სახმელეთო ჯარების შეყვანის აუცილებლობა არ დგას. მისივე თქმით, შეერთებული შტატები არა ისლამს, არამედ ტერორიზმს ებრძვის, რადგანაც ტერორისტებს რელიგიასთან არანაირი კავშირი არ აქვს.