ცნობილი მომღერალი შარლ აზნავური გარდაიცვალა

საქართველო, თბილისი - 16:28 | 01.10.2018
ნანახია: 456

სომხური წარმოშობის ფრანგი მომღერალი, მსახიობი და კომპოზიტორი შარლ აზნავური 94 წლის ასაკში გარდაიცვალა.

Reuters-ის ცნობით აზნავური სამხრეთ საფრანგეთში,  თავის სახლში, ღამით აღესრულა. მანამდე ის იმყოფებოდა იაპონიაში, საკონცერტო ტურის ფარგლებში.

აზნავურმა 1300 სიმღერა დაწერა, ითამაშა 60 ფილმში და გაყიდა 200 მილიონზე მეტი ალბომი.

შარლ აზნავური დაიბადა სომეხი ემიგრანტების ოჯახში, რომლებიც საფრანგეთში  1922 წელს  გადასახლდნენ. შარლის დედა სომეხ ვაჭართა ოჯახიდან იყო, რომელიც თურქეთში ცხოვრობდა, მამა საქართველოში დაიბადა. გადმოცემით, აზნავურის პაპა მამის მხრიდან რუსეთის მეფის ნიკოლოზ მეორის მზარეული იყო ლიკანის რეზიდენციაში.

 




არქივი

მოგვძებნე Facebook-ზე