საქართველოს რკინიგზა ფეიქრების ქუჩაზე 20 წლის გოგონას დაღუპვასთან დაკავშირებით განცხადებას ავრცელებს

საქართველოს რკინიგზა თბილისში, ფეიქრების ქუჩაზე 20 წლის ქალის გარდაცვალებასთან დაკავშირებით განცხადებას ავრცელებს.

საქართველის რკინიგზა ღრმა მწუხარებას გამოთქვამს მომხდარის გამო და სამძიმარს უცხადებს გარდაცვლილის ოჯახს.

„დღეს, დილით 08:30-ზე ავჭალა-დიდუბის გადასარბენზე, ახალგაზრდა ქალი ლიანდაგზე გადადიოდა, რომელსაც ნიქოზი-თბილისის მიმართულებით მოძრავი მატარებელი დაეჯახა. ახალგაზრდა ქალი ადგილზე გარდაიცვალა. მომხდარზე გამოძიება უკვე დაიწყო შინაგან საქმეთა სამინისტრომ. მონაკვეთზე ექსპერტ-კრიმინალისტები მუშაობენ. საქართველის რკინიგზა ღრმა მწუხარებას გამოთქვამს მომხდარის გამო და სამძიმარს უცხადებს გარდაცვლილის ოჯახს“, – აღნიშნულია საქართველოს რკინიგზის განცხადებაში.

ცნობისთვის, გლდანი-ნაძალადევის რაიონში, ფეიქრების ქუჩის მიმდებარე ტერიტორიაზე მატარებელი 20 წლის ქალს დაეჯახა.